കമ്പിപ്പൂതിരി ഓണപ്പതിപ്പ് – വാല്യം ഒന്ന് 1713

വൈകിയാണെങ്കിലും എല്ലാവർക്കും ഈ കള്ളന്റെ ഹൃദയം നിറഞ്ഞ ഓണാശംസകൾ.

കമ്പിപ്പൂത്തിരി ഓണപ്പതിപ്പ് ഒന്നാം വാല്യത്തിലെ എല്ലാ കഥകളും വായിച്ചു. ചെറുകഥകൾ എഴുതിയിടാൻ പറഞ്ഞപ്പോൾ നോവൽ തന്നെ എഴുതി ഇട്ട സഞ്ചു ഗുരുവിനെ പ്രത്യേകം പരാമർശിക്കാതിരിക്കാൻ വയ്യ.

തട്ടിൻപുറത്തെ കഥ അക്ഷര പിശാച് വന്നത് എഡിറ്റിങ് പ്രശ്നമാണെന്ന് പറഞ്ഞു തടി തപ്പുന്ന കട്ടകലിപ്പാ, കഥ താങ്കളുടെ എഴുത്ത് വച്ച് നോക്കിയാൽ കുഴപ്പമില്ലാത്തൊരു കഥ എന്നെ പറയാനാകൂ. ഈ കഥ മാധവൻ എന്ന വ്യക്തിയുടെ പറഞ്ഞിരുന്നെങ്കിൽ ഒരുപാട് മാറ്റങ്ങൾ സൃഷ്‌ടിക്കാൻ സാധിച്ചേനെ എന്നെനിക്ക് തോന്നി.

പഴഞ്ചൻറെ ഓണപ്പുടവ എന്ന കഥ രണ്ടാനമ്മയ്ക്ക് കൊടുക്കുന്ന ഓണപ്പുടവയ്ക്ക് പകരം വാങ്ങുന്ന ഒരു പ്രത്യുപകാരമായി പോയോ…? ആയാലും അല്ലെങ്കിലും കഥ നന്നായി.

പ്രണയിച്ചു കല്യാണം കഴിച്ചിട്ടും ആ ഭർത്താവ് മറ്റൊരു സ്ത്രീയുടെ കൂടെ പോയപ്പോൾ അതിനെതിരെ ഒന്നും ചെയ്യാൻ കഴിഞ്ഞില്ലെങ്കിലും, മനസ്സിനിണങ്ങിയ രൂപവും ഭാവി സുരക്ഷിതമാകാൻ തക്ക ജോലിയും ഉള്ള ഒരു പെണ്ണിനെ തേടി അലഞ്ഞ രാഹുലിനെയും ചതിയിൽ പെട്ട മൃദുലയെയും ഒന്നാക്കാനുള്ള ശ്രമം ഷാർജയിലെ ഓണം എന്ന കഥയിലൂടെ സൂസൻ ഭംഗിയായി നിർവഹിച്ചു.

ഹിബ, സ്വന്തം പെങ്ങളെ മാത്രമല്ല കണ്ടവന്റെ പെങ്ങളെയും ഇങ്ങനെയൊന്നും ചെയ്യാൻ പാടില്ല. എഴുതാനുള്ള കഴിവ് ഉണ്ട്. സ്വന്തം നാട്ടിലെ ഭാഷാശൈലി രണ്ടുപേർ സംസാരിക്കുമ്പോൾ ഉപയോഗിച്ചിട്ട് സന്ദർഭങ്ങൾ അച്ചടി ഭാഷ ഉപയോഗിച്ചിരുന്നെങ്കിൽ കുറച്ചുകൂടി നന്നാക്കാമായിരുന്നു ഈ എഴുത്ത്.

അൻസിയ താങ്കളുടെ കഥ എഴുത്തിനെകുറിച്ച് പ്രതേകിച്ചു പറയാനൊന്നുമില്ല. കിടു എഴുത്താണ്. തുടക്കം മുതൽ തന്നെ വായനക്കാരെ പിടിച്ചിരുത്താനുള്ള കഴിവ് താങ്കൾക്കുണ്ട്.

“പലപ്പോഴും വിശ്വസിക്കും അവളെ ഓർക്കാൻ ഒരുപാട് ഹൃദയങ്ങളുണ്ടെന്ന്” ഷഹാന താങ്കളുടെ കഥയിലെ എനിക്കിഷ്‌ടപ്പെട്ട വരികളാണിത്. തിരുവോണ ദിവസം മനസ്സ് നിറഞ്ഞു സന്തോഷിക്കാം എന്ന് കരുതിയ നിമ്യക്ക് ഉണ്ടായ അനുഭവം വളരെ നല്ലരീതിയിൽ തന്നെ അവതരിപ്പിക്കാൻ തിരുവോണം എന്ന കഥയിലൂടെ ഷഹാനയ്ക്ക് കഴിഞ്ഞു. (കഥാകൃത്ത് ഷഹാനയാണോ…? ഷെഹനയാണോ…?)

സഞ്ചു ഗുരു, അത്തം പത്തിന് പൊന്നോണം എന്ന പേര് കണ്ടപ്പോൾ പത്ത് ദിവസത്തെ കഥ ഇങ്ങനെ വള്ളിപുള്ളി വിടാതെ എഴുതുമെന്ന് കരുതിയില്ല. ഈ കഥയ്ക്ക് മുന്നിൽ എനിക്ക് ഒരുപാട് സമയം ചിലവഴിക്കേണ്ടി വന്നു. വായിച്ചിട്ടു തീരുന്നില്ല. അത്തം മുതൽ തിരുവോണം വരെ വീട്ടിലുള്ള എല്ലാവരെയും ഒളിഞ്ഞും തെളിഞ്ഞും കളിക്കുന്ന ഒരു കമ്പിക്കഥ. പിന്നെ മറ്റൊരു കാര്യം തോന്നിയത് മൈനയോടുള്ള പ്രണയം ഇന്നും മനസ്സിൽ ഉണ്ട് എന്നുള്ളത് ഈ കഥയിലും കാണാൻ സാധിക്കുന്നു എന്നതാണ്.

ഒറ്റക്കൊമ്പൻ എഴുതിയ മലയാളിമങ്ക എന്ന കഥ കഥയുടെ പേരോ എഴുത്തുകാരന്റെ പേരോ പുറത്തു വരാതെ പഴഞ്ചൻറെ കഥയുടെ തലക്കെട്ട് ചിത്രം മാറ്റി കൊടുത്തിട്ടുണ്ട്. നല്ലൊരു പ്രണയത്തിലൂടെ പറയുന്ന ഈ കഥയിലെ നായികയായ അക്ഷിതയെ മലയാളിമങ്ക എന്ന പട്ടത്തിനോളം നന്നായിത്തന്നെ വർണ്ണിച്ചിട്ടുണ്ട്.

മാസ്റ്ററെ താങ്കളുടെ കഥ, തുടക്കത്തിൽ ഉണ്ടായിരുന്നിട്ടും വായിച്ചോ ഇല്ലയോ എന്നുപോലും പറയാതെ ബാക്കിയുള്ള കഥകൾക്ക് കമന്റ് കൊടുത്തത് കൊണ്ട് താങ്കൾക്ക് ഒരു പ്രശ്നവുമില്ലെന്ന് എനിക്കറിയാം, കള്ളനല്ലെങ്കിൽ കൊള്ളക്കാരൻ വരും കമന്റാൻ, അഥവാ ആരും വന്നില്ലെങ്കിൽ തന്നെ ഒരു ചുക്കുമില്ല താങ്കൾക്ക്.
മാസ്റ്ററെ, താങ്കൾ ഈ ഓണപ്പതിപ്പിൽ ഒരു കഥ എഴുതിയിട്ടുണ്ടെന്ന് കണ്ടപ്പോ തന്നെ തീരുമാനിച്ചതാണ് വായിക്കണമെന്നത്. ഞാൻ പ്രതീക്ഷിച്ചത് ഒരു ചാക്കോ കഥയാണ് (ക്രിസ്മസ് ദിനത്തിൽ എഴുതിയത് പോലെ). പക്ഷെ ഞെട്ടിച്ചു കളഞ്ഞു. താങ്കൾ എഴുതിയ, ഞാൻ വായിച്ചിട്ടുള്ളതിൽ വച്ച് എനിക്ക് ഒരുപാട് ഇഷ്‌ടപ്പെട്ടതും മനസിനെ വല്ലാതെ ആകർഷിച്ചതുമായ കഥ ഇതാണെന്ന് തോന്നിപ്പോയി.