ദി ടൈം 5 [Fang leng] [Climax] 200

“അമ്മ എന്തൊക്കെയാ ഈ പറയുന്നേ അതിന് മാത്രം ഇവിടെ ഒന്നും ഉണ്ടായില്ലല്ലോ ”

സാം വേഗം അവിടേക്കെത്തി പറഞ്ഞു

“നീ നിർത്ത്‌ സാമേ ഒന്നും ഉണ്ടാകാതിരിക്കാനാ ഞാൻ ഈ പറയുന്നത് ”

“അമ്മ ചേച്ചിയേയും കൊണ്ട് അകത്തേക്ക് പൊക്കോ ഞാൻ ജൂണോയോട് സംസാരിക്കാം ”

“സാമേ നീ ”

“അമ്മ പൊക്കോ ഞാൻ ഇപ്പോ വരാം ”

ഇത്രയും പറഞ്ഞു സാം ജൂണോയുമായി റോഡിലേക്ക് നടന്നു കുറച്ചു ദൂരം പിന്നിട്ടെങ്കിലും ഇരുവരും പരസ്പരം ഒന്നും മിണ്ടാൻ തയ്യാറായില്ല

“ജൂണോ നിനക്കൊന്നും പറയാനില്ലേ ”

ഒടുവിൽ മൗനം അവസാനിപ്പിച്ച് സാം ജൂണോയോട് ചോദിച്ചു

“സാമേ ഞാൻ നിന്റെ ചേച്ചിയെ കെട്ടുന്നതിൽ നിനക്ക് എതിർപ്പ് വല്ലതുമുണ്ടോ ”

“ഇത് കേട്ട സാം പതിയെ ചിരിച്ചു ”

“നീ എന്തിനാടാ ചിരിക്കുന്നെ ഞാൻ സീരിയസ് ആയി ചോദിച്ചതാ എനിക്കറിയാം നിനക്കിത് പെട്ടെന്ന് ഉൾക്കൊള്ളാനാകിലെന്ന് പക്ഷെ നീ ഇതിനെ കുറിച്ച് ഒന്ന് ചിന്തിച്ചു നോക്ക് ഞാൻ നിന്റെ അളിയനായിട്ട് വന്നാൽ നന്നായിരിക്കില്ലെ ”

“പിന്നേ വളരെ നന്നായിരിക്കും ”

“ടാ കോപ്പേ ഞാൻ കളിപറയുന്നതല്ല ”

“ടാ ജൂണോ സത്യത്തിൽ അന്ന് നീയും ചേച്ചിയും ഇഷ്ടത്തിലാണെന്ന് അറിഞ്ഞപ്പോൾ നിന്റെ തല മണ്ട അടിച്ചു പൊട്ടിക്കാനാണ്‌ എനിക്ക് തോന്നിയത് പിന്നെ പിന്നെ എനിക്ക് മനസ്സിലായി നിന്നെപോലെ മറ്റാർക്കും എന്റെ ചേച്ചിയെ സ്നേഹിക്കാൻ പറ്റില്ലെന്ന് ”

“എന്തൊക്കെയാടാ നീ യീ പറയുന്നേ എനിക്കൊന്നും മനസ്സിലാകുന്നില്ല ”

മനസ്സിലായില്ലെങ്കിൽ ആകണ്ട പിന്നെ ഞാൻ കെട്ടണ്ടാ എന്ന് പറഞ്ഞാൽ നീ ചേച്ചിയെ കേട്ടാതിരിക്കോ ഇല്ല എന്ത് വന്നാലും നിങ്ങൾ കെട്ടും അപ്പോൾ പിന്നെ ഞാൻ നിങ്ങളുടെ കൂടെ നിൽക്കുന്നതല്ലെ നല്ലത് ”

“അളിയാ നീ കാര്യമായി പറഞ്ഞതാണോ ”

“അതേടാ പിന്നെ അമ്മ നന്നായി എതിർക്കും അത് കാര്യമാക്കണ്ട ചേച്ചി കുറച്ച് ദിവസം പട്ടിണി കിടക്കുമ്പോൾ തനിയെ സമ്മതിച്ചോളും ”

ഇത് കേട്ട ജൂണോ സാമിനെ വേഗം കെട്ടിപിടിച്ചു

“താങ്ക്സ് അളിയാ നീയാണ് യഥാർത്ഥ അളിയൻ ഞാൻ കരുതിയത് നീയെന്നെ തല്ലികൊല്ലുമെന്നാ “