രണ്ട് ടീച്ചർമാർ 2 [സ്പൾബർ] 1268

രണ്ട് വർഷം മുൻപാണ് ജൂലി ഇവിടെ ജോലിയിൽ കയറിയത്. അവളുടെ ആദ്യ പോസ്റ്റിംഗ് ഇവിടെയായിരുന്നു. ഇരുപത്തിയാറാം വയസ്സിൽ വിവാഹിതയായ ജൂലി അതിന് ശേഷമാണ് ജോലിയിൽ കയറിയത്. പരമ്പരാഗത ക്രിസ്തീയ കുടുംബമായ ഭർത്താവ് ജോയിയുടെ വീട്ടുകാർ അവൾ ജോലിക്ക് പോകുന്നതിനെ ശക്തമായി എതിർത്തു. എന്നാൽ താൻ കഷ്ടപ്പെട്ട് നേടിയ സർക്കാർ ജോലി ഉപേക്ഷിക്കാൻ ജൂലി തയ്യാറായില്ല. ജോയിയോടും, അവൻ്റപ്പൻ വറീതിനോടും അതിൻ്റെ പേരിൽ ശക്തമായ വാദ്രപ്രതിവാദം നടത്തി അവൾ ഭർതൃവീടിൻ്റെ പടിയിറങ്ങി. അല്ലെങ്കിലും ജോയിയുമായി അവൾ നല്ല ബന്ധത്തില്ലായിരുന്നു. ജൂലിയുടെ സങ്കൽപത്തിന് അടുത്തെത്താൻ പോലും ജോയിക്ക് കഴിഞ്ഞില്ല. അതിസുന്ദരിയായ ജൂലിക്ക് സൗന്ദര്യം കൊണ്ട് കട്ടക്ക് നിൽക്കുന്നവനായിരുന്നു ജോയിയും. അതിലാണൾ വീണുപോയതും .പക്ഷേ ദിവസങ്ങൾ ചെല്ലുന്തോറും വൃത്തികെട്ട സംശയരോഗം ജോയിയെ പിടികൂടി. അവൻ്റെ കൂടെയുള്ള ജീവിതം മടുത്തിരുന്ന ജൂലിക്ക്, ജോലി കിട്ടിയത് ഒരാശ്വാസമായി. ആ പേരിൽ കലഹമുണ്ടാക്കി അവൾ അവിടെ നിന്നും ചാടി. പക്ഷേ രണ്ട് വർഷമായിട്ടും അവർ ബന്ധം വേർപെടുത്തിയിട്ടില്ല. ജോയി ഇപ്പഴും ഇടക്കിടെ വിളിച്ച് ജോലി ഉപേക്ഷിച്ച് തൻ്റെ കൂടെ വരാൻ പറയും. അതിനവൾ തയ്യാറുമല്ല.

ഈ സ്കൂളിൽ ജോയിൻ ചെയ്ത് അവൾ ആദ്യം പരിചയപ്പെട്ടത് സ്മിത ടീച്ചറെയാണ്. ജൂലിയുടെ കഥകൾ കുറച്ചൊക്കെ അവൾ സ്മിതയോട് പറഞ്ഞിട്ടുമുണ്ട്. ജൂലി വന്ന സമയത്തൊക്കെ രേഖ നിരാശാഭാവത്തിൽ നടക്കുകയാണ്. അത് കൊണ്ട് രേഖയെ ഇത് വരെ അവൾ പരിചയപ്പെട്ടിട്ടില്ല. സ്മിതയെ കണ്ട് ആദ്യം ജൂലി ചോദിച്ചത് തനിക്ക് താമസിക്കാൻ ഒരിടമാണ്. വീട്ടിലേക്ക് പോയി വരാൻ എന്നും അവർക്ക് കഴിയില്ല. നല്ല ദൂരക്കൂടുതലുണ്ട്. സ്മിത ഒരു പാട് അന്യോഷിച്ച് അവസാനം പത്ത് കിലോമീറ്റർ അകലെ ടൗണിലുള്ള ഒരു ലേഡിസ് ഹോസ്റ്റലാണ് കിട്ടിയത്. ഇപ്പോൾ അവിടെയാണവൾ താമസം. ഇവിടെ അടുത്തെവിടെയെങ്കിലും ഒരു ചെറിയ വീട് കിട്ടുമോ എന്നവർ നോക്കുന്നുണ്ട്. ജൂലിക്കും ഒരു സ്കൂട്ടിയുണ്ട്. അതിലാണവൾവരവും പോക്കും. ഹോസ്റ്റൽ അവൾക്ക് മടുത്തിട്ടുണ്ട്. ഒരു പേയിംഗ് ഗസ്റ്റായിട്ടെങ്കിലും ഒരു വീട് കിട്ടുമോ എന്ന് സ്മിതയും നോക്കുന്നുണ്ട്.