സിനേറിയോ [Maathu] 225

അരുണ് നിലത്ത് ചെരിഞ്ഞു കിടന്ന് ഗ്ലാസും കറക്കി അതിലേക്ക് നോക്കി കൊണ്ടിരിക്കുന്നുണ്ട്…ഇതിലിപ്പോ കുറച്ചെങ്കിലും വെളിവുള്ളത് മാട സാമിക്കാകും.. വേണ്ടാ വേണ്ടാന്ന് പറഞ്ഞെങ്കിലും മാട സാമിന്റെ സ്നേഹത്തോടെയുള്ള പെഗ്ഗോഴിക്കലിൽ അരുൺ മൂക്കും കുത്തി വീണുപോയിരുന്നു ..

ഞാനാണേ പിന്നെ എണീക്കാൻ പോലും പറ്റാത്ത അവസ്ഥയിലാണ്.. എന്നാലും ആദ്യത്തെ ഇരുത്തം പോലെ തന്നെയാണ് ഇരിക്കുന്നത്…

മാട സാമി ചുമരിൽ കൈ വച്ച് ആടിയാടി വെള്ളം എടുത്ത് വരലും കാളിംഗ് ബെല്ലടിച്ചതും ഒരേ സമയത്തായിരുന്നു..

:യാറപ്പാ ഇന്ത നേരത്ത്

അവൻ വാതിൽ തുറക്കുന്ന ഒച്ചയൊക്കെ കുടിച് ഫിറ്റായിരിക്കുമ്പോളും എനിക്ക് കേൾക്കാൻ പറ്റുന്നുണ്ടായിരുന്നു..

:നീങ്ക യാര്

:ഹേ

:നീങ്ക യാറമ്മ.. പേര് സൊള്ളുങ്ങ

:ഗാഥ

:ഒക്കെ.. ഇങ്ക എതക്ക് വന്തേ

പുറത്ത് ഉള്ള ആള് മറുപടിയൊന്നും കൊടുത്തില്ലെന്ന് തോന്നുന്നു..

:നീങ്ക മലയാളിയ

:ഡേ.. ആദി ഡേയ്.. ഹോ അന്ത പൂണ്ട ബോധേയാവേ ഇരിക്കാ .. ഡെയ്.. അരുണേ.. ഡെയ്

:എന്താടാ

:ഇങ്ക ഒരു മലയാളി പൊണ്ണ് വന്തിരിക്കെ

:മലയാളി പൊണ്ണ

കിടന്ന് ഗ്ലാസിന്റെ ചന്തം നോക്കിയിരുന്നവൻ നാല് കാലിൽ വാതിലിനടുത്തേക്ക് പോയി.

:ആരാ

:ഞാൻ ഗാഥ

:ഒക്കെ…എന്തേലും പ്രശ്നമുണ്ടോ

:അല്ല ഞാൻ ഒരാളെ നോക്കി ഇറങ്ങിയതാ

:ആരെ

:ആദിത്യ

:ആദിത്യയോ അതാരാ

:ഡൈ പൈത്യമേ ആദി ടാ

:ആ.. ആദി…നിൽക്കെ ഞാൻ വിളിക്കാ

ടാ ആദി ടാ.. നിന്നെ അന്നേസിച്ചു ഒരു ഗാഥ വന്നികിണ്

കിക്കായിരിക്കുമ്പോ എന്ത് ഗാഥ

ആ വെളിവില്ലാത്തവന്മാർ ഞാൻ വരാത്തത് കണ്ട് അവിടെന്ന് എന്നെ വിളിച്ചോണ്ടിരുന്നു.. ഒന്നുകിൽ എന്റെ അടുത്ത് വന്ന് പറയാ അല്ലെങ്കിൽ നാളെ വരാൻ പറഞ് വന്ന സാധനത്തെ ഒഴിവാക്കി വിടാ ഇതൊന്നും ചെയ്യാതെ ആ രണ്ട് മണുകൂസുകൾ വാതിൽ പടിയിൽ ചാരി എന്നെ  ആർത്ത്‌ വിളിച്ചോണ്ടിരുന്നു…

ഇനി ഞാനങ്ങോട്ടു വന്നാലേ ഈ മലരന്മാർ വായ അടക്കത്തുള്ളൂന്ന് അറിയാവുന്നത് കൊണ്ട്…. എണീക്കാൻ പറ്റാത്ത അവസ്ഥയിലായിട്ടും ഞാൻ എണീറ്റു ഈ അർദ്ധ രാത്രിയിൽ ഇവന്മാരെന്തിനാ എന്നെ കാറി വിളിക്കുന്നെന്ന് അറിയാൻ കയ്യിലുള്ള ഗ്ലാസ്‌ വിടാതെ തന്നെ എണീറ്റു നിന്നു.. ഒന്ന് വട്ടം കറങ്ങിയെങ്കിലും ബാലൻസ് ചെയ്ത് നിന്നു.. മുന്നിലേക്ക് കാല് പതുക്കെ എടുത്തു വച്ചു.. പക്ഷെ അവിടെ ഒരു പ്രശനം പറ്റി.. ഞാൻ ചവിട്ടിയത് ഓൾഡ് മങ്കിന്റെ കുപ്പിയിലായിരുന്നു.. അതിന്മേൽ ചവിട്ടലും കുപ്പിയിൽ തെന്നി മുന്നിലേക്ക് മലർന്നടിച്ചു വീഴാൻ പോയി.. പക്ഷെ നിലത്തെത്തുന്നതിന്റെ മുന്നേ എന്തോ ഒന്ന് എന്നെ തലയിൽ പിടിച് താങ്ങി നിർത്തി..തലക്കുള്ളിൽ എന്തോ ഒരു മുഴക്കം പോലെ തോന്നിയപ്പോ മുട്ടിലിരുന്നു നെറ്റി തടവി..