🏘️ബോസ്റ്റൻ ബംഗ്ലാവ് 10 [Gladiator] 605

“ആ ചെറുക്കൻ എവിടെ……?” ജ്വലിക്കുന്ന കണ്ണുമായി ഫെഡറിക്ക് കത്രീനയെ നോക്കി ഫെഡറിക്ക് ചോദിച്ചു.

“പ്ലീസ്.. അവനെ ഒന്നും ചെയ്യല്ലേ.. അവനാകെ 19 വയസ്സേ ഉള്ളു” ഗർഭിണിയായ വയർ തടവി കത്രീന പറഞ്ഞു.

അപ്പോഴാണ് ലൈല അവൾ ഗർഭിണിയാണെന്ന് ശ്രദ്ധിച്ചത്.

ഫെഡറിക്ക് താഴേക്ക് കുനിഞ്ഞു അവളുടെ കരണത്ത് വീണ്ടും തല്ലി.കത്രീന തല്ല്കൊണ്ട് കരഞ്ഞുകൊണ്ട് നിലത്തു കിടന്നു.

ലൈല ശ്വാസം എടുക്കാതെ ആ കാഴ്ച ഭയപ്പടോടെ നോക്കി നിന്നു.

“ലൈല…” അവളുടെ പിറകിൽ നിന്നും ഒരു സ്ത്രീയൊച്ച ലൈലയുടെ കാതുകളിൽ പതിഞ്ഞു. അങ്ങനൊരു സന്ദർഭത്തിൽ ഒട്ടും പ്രതീക്ഷിക്കാതെ അങ്ങനൊരു വിളി കേട്ട ലൈലക്ക് ഹൃദയാഘാതം വന്നില്ലന്നെ ഉള്ളു. അവൾ തിരിഞ്ഞു ഇരുണ്ട ഇടനാഴിയിലേക്ക് നോക്കി. വെളിച്ചം വീണ ലൈബ്രറിയുടെ മുന്നിൽ ഒരു സ്ത്രീ രൂപം നിൽക്കുന്നത് ലൈല കടനു. പിറകിലെ റൂമിൽ തല്ല് കൊണ്ട് കിടക്കുന്ന കത്രീന തന്നെ ആയിരുന്നു അവിടെ ലൈബ്രറിയുടെ മുന്നിലും നിൽക്കുന്ന സ്ത്രീ രൂപം. പക്ഷെ ലൈബ്രറിക്ക് മുന്നിൽ നിൽക്കുന്ന കത്രീനയുയുടെ രൂപം ഗർഭിണി അല്ലായിരുന്നു. പക്ഷെ അവളുടെ ദേഹമാസകലം മുറിവുകൾ ഉണ്ടായിരുന്നു.ലൈല കിളി പോയി പകുതി മരിച്ച അവസ്ഥയിൽ കത്രീനയെ നോക്കി നിന്നു.

“ഹായ്.. ലൈല…ഞാൻ കത്രീന” കത്രീന സ്വയം പരിചയപ്പെടുത്തി “നീയെന്താ അവിടെ ഒളിഞ്ഞു നോക്കുന്നത്…?”അവൾ ചോദിച്ചു.

ലൈല തിരിഞ്ഞു നോക്കികൊണ്ട് ഇരുന്ന ഹാളിലേക്ക് നോക്കി. അതിനുള്ളിൽ ഫെഡറിക്ക് ഗർഭിണിയായ കത്രീനയെ മുടിയിൽ പിടിച്ചു വലിച്ചുകൊണ്ട് എഴുന്നേൽപ്പിച്ചു.