🏘️ബോസ്റ്റൻ ബംഗ്ലാവ് 10 [Gladiator] 605

“ഞാൻ.. ഞാൻ നിന്നെ ഹെല്പ് ചെയ്യാൻ ഒന്നും പോകുന്നില്ല…”കണ്ണുകൾ ഇറുക്കി അടച്ചുകൊണ്ട് ലൈല പറഞ്ഞു. കണ്ണ് തുറക്കുമ്പോൾ ഇപ്പോൾ കാണുന്ന കാഴ്ചകളിൽ നിന്നും രക്ഷനേടി, ഹസ്ബന്റിനെ കാണാൻ കഴിയുമെന്ന് അവൾ പ്രതീക്ഷിച്ചു.

“പ്ലീസ്.. എന്നെ ഒന്ന് സഹായിക്കു.. എനിക്ക് വേണ്ടി അല്ല…ആ പയ്യന് വേണ്ടി”കത്രീന കെഞ്ചി.

“നിനക്ക് ഉണ്ടായത് അല്ലേ അതും. പിശാചിന്റെ മക്കളെ സഹായിക്കാൻ ഞാനില്ല”ലൈല പറഞ്ഞു.

“അയ്യോ…എന്റെ മകന്റെ കാര്യമല്ല.. ഡാനിയേലിന്റെ കാര്യമാ ഞാൻ പറഞ്ഞേ.പ്ലീസ്.. അവന്റെ അടുത്തേക്ക് ചെല്ല്.. അവന് അവനെ സഹായിക്കാൻ എന്ത് ചെയ്യണോ അത് ചെയ്യ്.. പ്ലീസ്…അവനെ സമാധാനിപ്പിക്കാൻ എന്ത് വേണമെങ്കിലും ചെയ്…”കത്രീന പറഞ്ഞു.

“എന്ത്….?” പറഞ്ഞു തീരും മുൻപേ കണ്ണടച്ച് ഇരുന്ന ലൈലയുടെ കണ്ണിലൂടെ ഒരു മിന്നൽപിണർ കടന്ന് പോയി. ലൈലയുടെ ശരീരം ആകെ ഒന്ന് വിറച്ചു.കണ്ണുകൾ തുറന്നപ്പോൾ ഹസ്ബന്റിന്റെ കൂടെ തറയിൽ വരച്ച കളത്തിന് മുന്നിൽ ഇരിക്കുക ആയിരുന്നു അവൾ.അവളുടെ കണ്ണുകൾ വീണ്ടും അടഞ്ഞു. ലൈല തല കറങ്ങി ആ മാന്ത്രിക കളത്തിന് മുന്നിൽ വീണു.ആ മുറിയാകെ ശക്തമായ കാറ്റു വീശി. ആ കറ്റിൽ നിലത്ത് ഉപ്പ് കൊണ്ട് വരച്ചിരുന്ന കളം കാറ്റിൽ മാഞ്ഞു. പിശാചുക്ൾ ഈ ബംഗ്ലാവ് വിട്ട് പോവുക ആണെന്ന് ആന്റണിക്ക് മനസിലായി. തന്റെ ഭാര്യ എന്താണോ ചെയ്തത്, അത് ഫലിച്ചു എന്നവന് തോന്നി.

ആന്റണി നിലത്തു കിടന്ന ലൈലയെ കോരി എടുത്തു താഴത്തെ നിലയിലേക്ക് ഓടി.അവർ ആ മുറിവിട്ട് ഇറങ്ങിയതും മാന്ത്രിക കളത്തിന് നടുവിൽ വെച്ചിരുന്ന മാന്ത്രികക്കല്ല് പൊട്ടിത്തെറിച്ചു. അതിൽ നിന്നും കറുത്ത പുറകെ അവിടെമാകെ പരന്ന ശേഷം വായുവിൽ മാഞ്ഞുപോയി.