🏘️ബോസ്റ്റൻ ബംഗ്ലാവ് 11 [Gladiator] 443

“ഹ.. ഡാനിയേൽ…ഹോസ്പിറ്റലിൽ കൊണ്ട് പോകാൻ തന്റെ സിസ്റ്റർ ഇനി ലോ വന്നിറ്റുണ്ട്. ലീവ് സൈൻ വാങ്ങിച്ചിറ്റുണ്ട്.. പൊയ്ക്കോളൂ ഇനി” ക്ലാസ്സ്‌ ടീച്ചർ പറഞ്ഞു.

“അമ്മയ്ക്ക് പെട്ടെന്ന് എന്തോ തിരക്ക് വന്നു, അതാ എന്നോട് നിന്നെ ഹോസ്പിറ്റലിൽ കൊണ്ട് പോകാൻ പറഞ്ഞു വിട്ടത്” ടീച്ചർ കാണാതെ ഒരു കണ്ണിറുക്കികൊണ്ട് റിയ പറഞ്ഞു.

“ഓക്കേ..” മറുപടി നൽകിയെങ്കിലും ഡാനിക്ക് അവിടെ സംഭവിക്കുന്നത് ഒന്നും മനസിലായില്ല “ ബാഗ് ക്ലാസിൽ ഇരിക്കുവാ…അത്..?”

“സാരമില്ല, അത് ഞാൻ ഓഫിസിൽ എടുത്ത് വെച്ചേക്കാം..അപ്പോയിന്റ്മെന്നിനു സമയം ആയി എന്നല്ലേ പറഞ്ഞത്. ഇനിയും താമസിക്കണ്ട. തിരിച്ചു പോകാൻ നേരം ബാഗ് ഓഫിസിൽ നിന്നും എടുത്തോ..” ടീച്ചർ പറഞ്ഞു.

“താങ്ക്സ്..” അധികമൊന്നും സംസാരിക്കാതെ ഡാനിയും റിയയും അവിടെ നിന്നും കോളേജിന് പുറത്തേക്ക് നടന്നു.ജീൻസ്, ടി ഷർട്ട്‌ അതിന് മുകളിൽ ഒരു ജാക്കറ്റും ആയിരുന്നു റിയയുടെ വേഷം. ഇന്നവൾ വല്ലാണ്ട് സുന്ദരിയായ പോലെ അവന് തോന്നി.

“എന്താ ഇതൊക്കെ…? ഡോക്ടർ എന്നൊക്കെ പറഞ്ഞത് എന്താ…? എനിക്കൊന്നും മനസിലായില്ല…!!!” ഡാനിയേൽ അവളുടെ അടുത്തേക്ക് ചേർന്ന് നിന്നു നടന്നുകൊണ്ട് ചോദിച്ചു.

“നീ രാവിലെ ഞാനയച്ച വോയിസ്‌ മെസ്സേജ് കണ്ടില്ലേ…?” റിയ ചോദിച്ചു.

“ഇല്ല.. ഞാൻ നോക്കിയില്ല…”

“അഹ്.. അയക്കുന്ന മെസ്സേജ് നോക്കിയില്ലെങ്കിൽ ഇങ്ങനെയൊക്കെ സംഭവിക്കും” കാറിനു അടുത്തെത്തിയ റിയ പാസ്സഞ്ചർ ഡോർ അവനു കേറാനായി തുറന്ന് കൊടുത്തു.

അവൻ സീറ്റിൽ കയറി ഇരുന്നു. അവന് എന്താണു നടക്കുന്നതെന്ന് മനസിലായില്ല.