🏘️ബോസ്റ്റൻ ബംഗ്ലാവ് 11 [Gladiator] 443

“ശേ…പല തലമുറ കൈമാറി വന്ന കല്ല് ആയിരുന്നു”ലൈല നിരാശയോടെ പറഞ്ഞു.

“അഹ്.. ഞാൻ UK യിൽ നിന്നും പുതിയൊരു കല്ല് വരുത്തിക്കാം, ശേഷം പൂജ നടത്തി കല്ലിനെ കൂടുതൽ ശക്തമാക്കാം.ലക്ഷണം കണ്ടിട്ട് ഒരുപാട് തിന്മശക്തികളെ ആ കല്ല് ആവാഹിച്ചു എന്നാ തോന്നുന്നേ…”ആന്റണി പറഞ്ഞു.

ലൈല മുന്നോട്ട് ആഞ്ഞു ആ കല്ലിൽ തൊടാൻ പോയി. അതിൽ തൊടരുത് എന്നവളുടെ ഉൾമനസ്സ് പറഞ്ഞു. പക്ഷെ അവൾ ആ മാന്ത്രികക്കല്ലിൽ തൊട്ടു.അവൾ തൊട്ടതും ശരീരത്തിൽ ഷോക്ക് അടിക്കുന്നത് പോലെ അവൾക് തോന്നി. “ഭൂമ്മ്മ്…” പെട്ടെന്ന് വലിയൊരു ശബ്ദത്തോടെ മാന്ത്രികകല്ല് കൃത്യം 13 പീസ് ആയി പൊടിഞ്ഞു.ഭയന്ന് പോയ ലൈല പിന്നിലേക്ക് ആഞ്ഞു.

“നീയെന്താ ചെയ്തേ…??”ഓടി വന്നു ആന്റണി ആ കല്ലിൽ നോക്കി…മെഷീനിൽ കട്ട്‌ ചെയ്തത് പോലെ ക്ലീൻ ആയി ആ കല്ല് പൊട്ടി ഇരിക്കുന്നത് കണ്ടതും ആന്റണി അല്പം ഭയന്നു.“ഇതിനി വീട്ടിൽ ഇരിക്കണ്ട, “ എന്ന് പറഞ്ഞുകൊണ്ട് അവനാ പീസുകൾ മുഴുവൻ കൈയിൽ കോരി പുറത്തേക്ക് കൊണ്ട് പോയി.അവൻ റോഡിൽ കൊണ്ടത് കളയുന്നത് ലൈല കണ്ടു.

“ആ കല്ലിൽ എന്തെങ്കിലും സ്പിരിറ്റ്‌ എവിഡൻസ് ഉണ്ടെങ്കിൽ നമുക്ക് പണിയാ…”തിരിച്ചു വന്ന ആന്റണി പറഞ്ഞു. “ഏയ്.. നോ വേ.. അതു വെറുമൊരു കല്ലാണിപ്പോൾ. പേടിക്കണ്ട.അല്ല..ആ കല്ല് എന്താ നീ തൊട്ടപ്പോൾ പൊട്ടിയത്..?ലൈല.. നീ എന്തെങ്കിലും തെറ്റ് ചെയ്തോ…?” ആന്റണി ചോദിച്ചു.

“അത്.. അത്…അത് പൊട്ടുന്നത് പോലെ ഒരു വിഷൻ ഞാനും കണ്ടിരുന്നു…ചിലപ്പോൾ നമുക്ക് അറിയാത്ത എന്തെങ്കിലും ആവും. അതിനെ തൊടാൻ എന്റെ മനസ്സ് പറഞ്ഞു..,”അപ്പോൾ അങ്ങനൊരു നുണ പറയാൻ അവൾക്ക് തോന്നി.