🏘️ബോസ്റ്റൻ ബംഗ്ലാവ് 12 [Gladiator] 1054

“ഞാൻ ഇവിടെ കുറേ ആണുങ്ങളെ ഒന്നും വിളിച്ചു കേറ്റിയിട്ടില്ല.. നിന്നെ മാത്രേ ഞാൻ ഇങ്ങോട്ട് കൊണ്ട് വന്നിട്ടുള്ളു.. പിന്നെ ഞാനിവിടെ ആരെയും കാണുന്നില്ല, അല്ലെങ്കിൽ തന്നെ അകത്ത് ലോക്ക് ചെയ്ത റൂമിൽ ആര് കേറാനാടാ…” ദേഷ്യ സ്വരത്തിൽ അവൾ പറഞ്ഞു.

“എന്ത്…?” ഡെയ്സിയുടെ ദേഷ്യം കലർന്ന മുഖമവൻ ശ്രദ്ധിച്ചു,തന്റെ മനസും നാക്കും കൈ വിട്ട് പോകുന്നു എന്നവന് മനസിലായി. അവൻ ഒരു ദീർഘ നിശ്വാസം എടുത്തു.

“ഓക്കേ ഓക്കേ..ഞാൻ.. ഞാൻ വല്ലാണ്ട് ടൈയർഡ് ആണ്..ഞാൻ പോകുവാ..”അവൻ അപ്പോഴേക്കും ഡ്രസ്സ്‌ ഇട്ട് കഴിഞ്ഞിരുന്നു.. ഇരുട്ട് വീണ ബംഗ്ലാവിലൂടെ നടക്കാൻ അവന് പേടി തോന്നി. ഈ ബംഗ്ലാവിൽ എന്തൊക്കെയോ കുഴപ്പം ഉണ്ടെന്നവൻ ഉറച്ചു വിശ്വസിച്ചു. ആദ്യ ദിവസം ഈ മുറിയിൽ വന്നപ്പോൾ എന്തോ പയ്യനെ കണ്ടു, ഇപ്പോൾ ആണെങ്കില് ഒരു സ്ത്രീയെയും.. ആദം ശരിക്കും ഭയന്നു.

“എ.. എന്റെ കൂടെ മെയിൻ ഡോർ വരെ വരാമോ… ചെറിയൊരു പേടി” ആദം പറഞ്ഞു. അവന്റെ ഇടുപ്പിൽ ഇപ്പോഴും കത്രീനയുടെ തണുത്ത കയ്യുടെ കുളിര് തങ്ങി നില്കുന്നുണ്ട്..

“ഇല്ല.. നീ തന്നെ പോയാൽ മതി” ഡെയ്സി പറഞ്ഞു. ദേഷ്യം കലർന്ന സ്വരത്തിൽ മറുപടി നൽകുമ്പോഴും എത്ര നേരം കണ്ണീർ പിടിച്ചു നിർത്താൻ കഴിയുമെന്ന് ഡെയ്സിക്കു അറിയില്ലായിരുന്നു. അവൾ അത്രയ്ക്ക് വിഷമിച്ചു. മുമ്പ് പറഞ്ഞത് പോലെ നാട്ടിൽ എത്തിയ ശേഷം ഡെയ്സി അവൾ പോലും അറിയാതെ നന്നേ സോഫ്റ്റ്‌ ആയി മാറിയിരുന്നു.USA യിൽ ചെറുപ്രായത്തിൽ പല ആണുങ്ങളോടും flirt ചെയ്ത് നടന്നിട്ടുണ്ട്. എന്നാൽ നാട്ടിൽ എത്തി ആദത്തിനെ സ്നേഹിച്ച ശേഷം അവൾ loyal ആയിരുന്നു. അതിപ്പോൾ ഇങ്ങനെ ആയി. താൻ കരയുന്നത് ആദം കാണരുത് എന്നവൾ ആഗ്രഹിച്ചു.