🏘️ബോസ്റ്റൻ ബംഗ്ലാവ് 14 [Gladiator] 1016

“ആന്റണി…ആന്റണി…. എന്തെങ്കിലും പറ്റിയോ…?” അവൾ വേവലാതിയോടെ ചോദിച്ചു. ആന്റണി പാതിമയക്കത്തിൽ ആയിരുന്നു.

ലൈല പെട്ടെന്ന് അവളുടെ വസ്ത്രങ്ങൾ എടുത്തിട്ടു ഭർത്താവിനെ താങ്ങിപിടിച്ചു എഴുനേൽപ്പിച്ചു.

“ആന്റണി…സംസാരിക്കാൻ പറ്റുന്നുണ്ടോ…?” ലൈല ചോദിച്ചു.

“ആഹ്ഹ്.. ജ്ജ്…” അബോദാവസ്ഥയിലെ ഞരക്കം ആയിരുന്നു അവന്റെ മറുപടി.

ലൈല ആന്റണിയേയും താങ്ങി അല്പം മുൻപ് താനേ അടഞ്ഞ മുറിയുടെ വാതിൽ തുറക്കാൻ നോക്കി. ആദ്യ ശ്രമത്തിൽ തന്നെ വാതിൽ തുറന്നു.

“ഏയ്…ലൈല…എന്റെ കെട്ടഴിച്ചു വിട്.. ഞാനും പോട്ടേ….”കസേരയിൽ കെട്ടി ഇട്ടിരുന്ന ഡാനിയേൽ അപേക്ഷിച്ചു. അവൻ സ്വയം പിന്നിൽ കെട്ടിയ കയർ അഴിക്കാൻ നോക്കി, പക്ഷെ നടന്നില്ല. “ലൈല.. പ്ലീസ്‌.. എന്നെ ഇവിടെ ആക്കിയിട്ട് പോകല്ലേ…. പ്ലീസ്…”അവൻ അപേക്ഷിച്ചു..

“സോറി.. ഡാനിയേൽ…ഈ മുറിയിൽ ഏതോ വലിയൊരു ഈവിൽ സ്പിരിറ്റ്‌ ഉണ്ട്. ഒരുപക്ഷെ നിന്നെ ഇനിയും സഹായിക്കാൻ നോക്കിയാൽ നമ്മൾ മൂന്നാളും ഇനിയും ഇതിനുള്ളിൽ ആവും.സോറി..തെറ്റുകൾ ചെയ്തത് ഞാനാ.. എന്നിട്ടും എന്റെ ആന്റണിയുടെ അവസ്ഥ കണ്ടില്ലേ..?ആന്റണിക്ക് ഒട്ടും വയ്യ.. എനിക്ക് പോയെ.. പറ്റുള്ളൂ….”ലൈല അതും പറഞ്ഞു ആന്റണിയെയും തൂക്കി കാറിലേക്ക് നടന്നു. കാറിൽ കയറിയ അവർ സമയം കളയാതെ അവിടെ നിന്നും യാത്രയായി.

ഡാനിയുടെ കാൽ രണ്ടും കൂട്ടിക്കെട്ടി, കൈ രണ്ടും പിറകിലേക്ക് തിരിച്ചു കെട്ടി വെച്ചിരിക്കുകയാണ്.. അവൻ കസേരയിൽ നിന്നും എഴുനേൽക്കാൻ നോക്കിയതും നിലത്തേക്ക് വീണു.

“ഫക്.. ഫക്.. ഫക്ക്”മലർന്നു കിടന്ന അവൻ ദേഷ്യപ്പെട്ടു.. “കത്രീനാ…..” അവൻ റൂമിനു ചുറ്റും നോക്കി അലറി. പക്ഷെ ആരും വന്നില്ല. അല്പം മുൻപ് ജീവൻ ഉണ്ടായിരുന്ന ആ കരടി തിരികെ ബൊമ്മ ആയെങ്കിലും അത് തിരികെ ജീവൻ വെച്ചു വരുമെന്ന് അവൻ ഭയന്നു.അവന്റെ ഹൃദയം പട പടാന്ന് ഇടിച്ചു. ലൈല ഇതുപോലൊരു പ്രവർത്തി ചെയ്യുമെന്ന് സ്വപ്നത്തിൽ പോലും ഡാനിയേൽ പ്രതീക്ഷിച്ചില്ല. ഈ കെട്ടൊന്നഴിച്ചാൽ എന്ത് സംഭവിക്കാനാ.. പക്ഷെ.. പാവം.. പേടിച്ചു കാണും. ഹസ്ബൻഡിനു എന്തെങ്കിലും പറ്റുമെന്ന്..പെട്ടെന്നാണ് മുറിക്ക് പുറത്ത് ആരുടെയോ കാലൊച്ച കേട്ടത്.. “അത്.. അത്…ഫെഡറിക്ക് ആയിരിക്കുമോ….?” അവൻ ഭയന്നു.മരണത്തെ അവൻ മുന്നിൽ കണ്ടു. സർവ ശക്തിയും സംഭരിച്ചു തല ഉയർത്തി അവൻ തുറന്ന് കിടന്ന റൂമിന്റെ വാതിലിലൂടെ ഇരുട്ട് വീണ ഹാളിലേക്ക് നോക്കി.കാലൊച്ച അടുത്തടുത്ത് വരുന്നത് അവനറിഞ്ഞു.