🏘️ബോസ്റ്റൻ ബംഗ്ലാവ് 17 [Gladiator] 601

“നീ എന്തിനാ അവനെപ്പറ്റി പറയുമ്പോൾ പേടിക്കുന്നെ…പേടിക്കണ്ട.. അവനിൽ നിന്നും ഞാൻ നിന്നെ സംരക്ഷിക്കും.അവൻ ഓരോ ദിവസം കഴിയും തോറും ദുർബലൻ ആയി മാറുകയാണ്.അന്ന് ആന്റണിയും ലൈലയും exorcism ചെയ്യാൻ വന്നപ്പോൾ അവൻ നന്നേ ദുർബലൻ ആയിരുന്നു.. അതിനാൽ ആണ് നിങ്ങൾ അന്നാ കരടിയുടെ കൈയിൽ നിന്നും രക്ഷപ്പെട്ടത്..

“അവൻ ഇനിയും…?

“വരും.. പക്ഷെ പേടിക്കണ്ട.. ഞാൻ രക്ഷിക്കും നിന്നെ.. നീ അവനെക്കുറിച്ചു ഓർക്കുക പോലും വേണ്ട..

“മ്മ്.. അല്ല.. നിങ്ങളും lucifer ഉം എങ്ങനെയാ മീറ്റ് ചെയ്തത്.. പ്ലീസ് പറ…

“ഡാനി.. വേണ്ട…നമുക്ക് അതിനെപ്പറ്റി പിന്നെ സംസാരിക്കാം…

“മ്മ്.. ഓക്കേ..നിനെത്തേടി ഒരു പ്രശ്നം വരുന്നുണ്ട്. അത് പറയാനാ ഞാൻ വന്നത്..

“എന്ത് പ്രശ്നം…?

“ഒരു സ്ത്രീ…അവൾ നിനക്കായി വരുന്നുണ്ട്…അവൾ ആരാണെന്ന് എനിക്കറിയില്ല…നീ ഒരു കാര്യം ചെയ്താൽ മാത്രം മതി…

“എന്ത് കാര്യം..?

കത്രീന അവൻ ചെയ്യേണ്ട കാര്യം ചെവിയിൽ പറഞ്ഞു കൊടുത്തു..

“മ്മ്.. ഓക്കേ.. പക്ഷെ ആ സ്ത്രീ ആരാണെന്ന് വെച്ചിട്ടാ ഞാൻ..?”ഡാനിയേൽ സംശയം പ്രകടിപ്പിച്ചു.

“സമയം ആകുമ്പോൾ നിനക്കത് മനസിലാകും…” കത്രീന അതും പറഞ്ഞു അവിടെ നിന്നും മാഞ്ഞുപോയി.

🔸🔸🔸

“ദി നമ്പർ യൂ ഹാവ് ഡയൽഡ് ഈസ്‌ കറന്റലി സ്വിച്ച് ഓഫ്‌…” അത് കേട്ടതും ലൈല ഫോൺ കട്ട്‌ ആക്കി സോഫയിലേക്ക് ഇരുന്നു. ആന്റണിയെ വിളിച്ചു നോക്കിയത് ആണവൾ.

രാത്രി കൂടെക്കിടന്നു ഉറങ്ങിയ ആന്റണിയെ കാണാതെയായിട്ട് ഇന്നേക്ക് 10 ദിവസം കഴിഞ്ഞിരിക്കുന്നു.ആ രാത്രിക്ക് ശേഷം ആരും അവനെ കണ്ടിട്ടില്ല.പോലീസിൽ പരാതി കൊടുക്കാം എന്ന് കരുതിയാൽ, ഇടക്ക് paranormal പരിപാടിയായി 1 മാസം വരെയൊക്കെ ആന്റണി മാറി നില്കും. പക്ഷെ ഒന്നും പറയാതെ പോയതാണ് അവളെ ടെൻഷൻ അടിപ്പിക്കുന്നത്. മാത്രമല്ല അന്ന് ആ കരടി ആക്രമിച്ച ശേഷം ആന്റണി ഒന്ന് നോർമൽ ആയി വരുന്നേ ഉണ്ടായിരുന്നുള്ളു.