🏘️ബോസ്റ്റൻ ബംഗ്ലാവ് 17 [Gladiator] 601

“മ്ച്ചും…”അവൾ മറുപടി നൽകി.

“മ്മ്മ്.. ഞാനൊന്ന് ശ്രമിച്ചു നോക്കാം..”ഡാനിയേൽ എഴുനേറ്റ് അടുപ്പിന് അടുത്തേക്ക് ചെന്നു.

🔸🔸🔸

രണ്ട് ദിവസം കടന്നു പോയി. പ്രിൻസിപ്പലും ഡാനിയും അധികമൊന്നും സംസാരിച്ചതെ ഇല്ല..ജനാലയുടെ അരികിൽ ഇരുന്നു നിരാശയോടെ മഞ്ഞ് വീഴ്ചയും നോക്കി ഡയാന അധിക സമയവും ചിലവഴിച്ചു.അതെ സമയം എങ്ങനെ ഈ ചെറിയ വീടിനുള്ളിൽ സർവൈവ് ചെയ്യുമെന്ന് നോക്കുകയായിരുന്നു ഡാനിയേൽ. ബ്രെഡ് ചൂടാക്കിയും, ചിക്കൻ റോസ്റ്റ് ചെയ്തും അവൻ പഠിച്ചു.

എന്നും രാവിലെ വീടിനു മുന്നിൽ പാചകം ചെയ്യാനുള്ള ആഹാര സാധനങ്ങൾ ആരോ കൊണ്ട് വെച്ചു പോകും. അത് ആരാണെന്ന് അറിയാൻ ഡയാന ശ്രമിച്ചെങ്കിലും നിരാശയായിരുന്നു ഫലം.ആഹാരം മാത്രമല്ല അവർക്ക് ആവശ്യമുള്ള 2 ടൂത്ബ്രഷ്,ചീപ്പ് മുതലായ ഒഴിച്ചു കൂടാനാകത്ത ചില സാധനങൾ കൂടെ കിട്ടി.

കുടിക്കാൻ വെള്ളത്തിനായി ഡാനിയേൽ,മഞ്ഞ് വാരി പാനിൽ വെച്ചു തിളപ്പിച്ച്‌ എടുത്തു.ഡയാന ആഹാരമൊന്നും അധികം കഴിച്ചില്ല, ഒപ്പം ഡാനിയേൽ സംസാരിക്കാൻ ശ്രമിക്കുമ്പോഴൊക്കെ അവൾ ഒഴിഞ്ഞു മാറുകയും ചെയ്തു.സംസാരിച്ച സമയം ഒക്കെ ഭർത്താവും മകൻ ആദവും തന്നെ കാണാതെ വിഷമിക്കുകയാകും എന്ന ടെൻഷൻ ആയിരുന്നു അവൾക്.തന്നെ രക്ഷിക്കാൻ ഭർത്താവ് ഏത് നിമിഷവും വരുമെന്ന് അവൾ വിശ്വസിച്ചു.

ആ ഒറ്റമുറി വീട്ടിനുള്ളിൽ അവർക്ക് യാതൊരു എന്റെർറ്റൈൻമെന്റും ഇല്ലായിരുന്നു. ആകെ ഉണ്ടായിരുന്നത് ഒരു മധ്യ വയസ്കയായ സ്ത്രീയെ പ്രണയിച്ച ചെറുപ്പക്കാരന്റെ കഥ പറയുന്ന റഷ്യൻ കഥാബുക്ക്‌ ആയിരുന്നു. പല തവണ ആ പുസ്തകം ഡയാന വായിച്ചു. പക്ഷെ എത്രയെന്നും വെച്ചാണ് ഒരേ പുസ്തകം വായിക്കുന്നത്…?