ബോസ്റ്റൻ ബംഗ്ലാവ് 19 [Gladiator] 1263

“ നിന്റെ സഹോദരനോട് തന്നെ ചോദിക്ക് അവൻ പറയും”ലൈല മറുപടി നൽകി. ലൈല നിലത്ത് മുദ്ര വരയ്ക്കുന്നത് തുടർന്നു.

“ എന്താ ഡാനിയേൽ..എന്താ കാര്യം..?” ഡാനിയെ നോക്കി ഡെയ്സി ചോദിച്ചു.

ഡാനിയൽ ചുറ്റും നോക്കി അമ്മയും അച്ഛനും ആരും തന്നെ അടുത്തില്ലെന്നും ഉറപ്പുവരുത്തി. “ ഒരിക്കൽ ഞാനും ലൈലയും പിന്നെ ലൈലയുടെ കാണാതായ ഹസ്ബൻഡ് ആന്റണിയും ഈ റൂമില്‍ കയറിയിരുന്നു. അന്ന് ഒരു കരടി ഞങ്ങളെ ആക്രമിക്കാൻ ശ്രമിച്ചു. അന്ന് കഷ്ടിച്ച ഞങ്ങൾ രക്ഷപ്പെട്ടത്”

“ ജീസസ് ഡാനി…” അവൾ പെട്ടെന്ന് അവന്റ കയ്യിൽ മുറുക്കെ പിടിച്ചു. “നീയെന്താ എന്നിട്ട് എന്നോട് പറയാത്തത്..?”

“എനിക്ക് അതിനെക്കുറിച്ച് കൂടുതൽ ആലോചിക്കാൻ താല്പര്യമില്ല .” അന്നത്തെ സംഭവങ്ങൾ ഓർത്തെടുത്ത ഡാനിയുടെ മനസ്സ് ചെറുതായൊന്ന് ഭയന്നിരുന്നു. “ എന്തായാലും ഞങ്ങൾക്ക് നിന്നോട് സംസാരിക്കാൻ ഉണ്ട്” ലൈലയോട് ഡാനിയേൽ പറഞ്ഞു.

“എന്താണ്..?” ലൈല ചോദിച്ചു.

“ ഇവിടെവച്ച് അല്ല അല്പം പ്രൈവറ്റായി സംസാരിക്കാം” ഇത്തവണ സംസാരിച്ചത് ഡെയ്സി ആയിരുന്നു.

“ അതെ.. വാ..നമുക്ക് ലൈബ്രറിയിൽ പോയിരുന്ന് സംസാരിക്കാം…” ഡാനിയൽ ഡെയ്സിയുടെ കൈപിടിച്ചു മുൻപിൽ നടന്നു. അവരുടെ പിറകെയായി ലൈലയും ലൈബ്രറിയിലേക്ക് നടന്നു. അകത്തുകയറി ഡാനിയൽ വാതിലടച്ചു കുറ്റിയിട്ടു.

“ എന്താ ഡാനി സംസാരിക്കാനുണ്ടെന്നു പറഞ്ഞത്..? എനിക്ക് തോന്നുന്നത് ആ ലോക്ക്ഡ് റൂമിൽ തന്നെ…” ലൈല സംസാരിച്ചിച് തീരുന്നതിനു മുൻപ് തന്നെ അവളോട് സംസാരം നിർത്താൻ ഡാനിയൽ ആംഗ്യം കാണിച്ചു.