🏘️ബോസ്റ്റൻ ബംഗ്ലാവ് 20 [Gladiator] 438

അൽപ്പനേരം അവിടെ ക്ഷീണിച്ചിരുന്ന ശേഷം അവർ നാലുപേരും വസ്ത്രം മാറ്റി മുകളിൽ അതിഥികൾക്ക് അടുത്തേക്ക് തിരികെ പോയി. തന്റെ ഭർത്താവ് മദ്യപിച്ച് സ്വബോധത്തിൽ ആയിരിക്കരുതെ എന്ന് ഡയാന പ്രാർത്ഥിച്ചു. കാരണം തന്റെ വിയർത്തൊലിച്ച ശരീരത്തെപ്പറ്റി അവൻ എന്തെങ്കിലും ചോദിച്ചാൽ അതിനെന്ത്‌ നൽകുമെന്ന് അവൾക്ക് അറിയില്ലായിരുന്നു.

🔸🔸🔸🕣

“ടിക്…ടിക്…” ഹാളിൽ അത്രയും പേര് നിന്ന് സംസാരിക്കുകയായിരുന്നിട്ടും ബംഗ്ലാവിൽ ഇടയ്ക്ക് ഇടയ്ക്ക് കേള്കുന്ന ക്ലോക്കിന്റെ ശബ്ദം ഡെയ്സിയുടെ കാതിൽ പതിഞ്ഞു

“മ്മ്…ചെറുതായി ക്ലോക്കിന്റെ ശബ്ദം കേൾക്കുന്നുണ്ട്…എന്നാലും ഈ ക്ലോക്കിത് എവിടെയാ ഇരിക്കുന്നത്..?, ഇതുവരെ നേരിൽ കാണാൻ പറ്റിയിട്ടില്ല.”കണ്ണ് തുറന്നുകൊണ്ട് ഡെയ്സി പറഞ്ഞു.

ഡാനിയുടെയും ഡെയ്സിയുടേയം സംസാരം കേട്ട് അരികിൽ നിന്ന് ദിവ്യ തനിക്ക് എന്തെങ്കിലും ശബ്ദം കേൾക്കാൻ സാധിക്കുമോ എന്ന് അറിയാൻ വേണ്ടി കണ്ണുകൾ അടച്ച് കാത് കൂർപ്പിച്ചുനോക്കി.എന്നാൽ ഹാളിലെ അതിഥികളുടെ സംസാരവും,അരികിലായി ചിമ്മിനിയിൽ കത്തി കൊണ്ടിരിക്കുന്ന വിറക് പൊട്ടുന്ന ശബ്ദവും മാത്രമേ അവൾക്ക് കേൾക്കാൻ സാധിച്ചുള്ളൂ.

“ന്യൂയർ ആകാൻ 5 മിനുറ്റ് കൂടെ…” ഹാളിലെ അതിഥികൾ ആരവമിട്ടു.

“ഓ.. 5 മിനുട്ട് കൂടെ ഉള്ളോ…?” ഡാനിയേൽ ചേട്ടത്തിയുടെ കയ്യിൽ നിന്നും പിടി വിട്ട ശേഷം മറുകൈയിൽ പിടിച്ചിരുന്ന ഡെയ്സിയുടെ വൈൻ ഗ്ലാസ്സ് തിരികെ അവൾക്ക് തന്നെ കൊടുത്തു. “ഞാനിപ്പോൾ വരാം.. എനിക്ക് അമ്മയോടൊരു കാര്യം പറയാനുണ്ട്.” ഡെയ്സിയെ നോക്കി കണ്ണിറുക്കിക്കൊണ്ട് ഡാനിയേൽ അതും പറഞ്ഞു അവിടെ നിന്നും അമ്മയുടെ അടുത്തേക്ക് നടന്നു. തനിക്ക് അവനെ ഇഷ്ടമാണെന്ന് ഡെയ്സി വഴി അറിയിച്ചിട്ടും തന്നെയൊന്ന് നോക്കുക പോലും ചെയ്യാതെ തിരികെ നടന്ന ഡാനിയെ നോക്കി ദിവ്യ നെറ്റി ചുളിച്ചു.