🏘️ബോസ്റ്റൻ ബംഗ്ലാവ് 3 [Gladiator] 1355

“അവിടെ എന്താ..?”ഡെയ്സി അവൻ ചൂണ്ടിയ സ്ഥലത്തേക്ക് നോക്കി.. പക്ഷെ അവിടെ ഒന്നും തന്നെ അവൾ കണ്ടില്ല.

“അവിടെ എന്താ…ഞാനൊന്നും കാണുന്നില്ലാലോ” ഡെയ്സി പറഞ്ഞു.

“ദാ.. അവിടെ ഒരു പയ്യൻ ഉണ്ടായിരുന്നു.. നിലത്ത് കിടന്നു എന്നെ നോക്കുവായിരുന്നു അവൻ. അവനെന്റെ കാലിൽ തോണ്ടി”ആദം പറഞ്ഞു.

“നിലത്തു കിടന്ന് നോക്കിയെന്നോ …ഡാനിയേൽ താഴെ റൂമിലാ.. അവൻ ഇങ്ങോട്ടൊന്നും വരില്ല.” ഡെയ്സി പറഞ്ഞു.

“ഏയ്…ഡാനിയേൽ അല്ല.. അവനെ എനിക്ക് അറിയാല്ലോ….. ഇത് മറ്റേതോ പയ്യൻ.. ചെമ്പൻ മുടി ആയിരുന്നു അവനു”ആദം പറഞ്ഞു.

“നിനക്ക് തോന്നിയതാ ആദം.. കം ലെറ്റസ്‌ കിസ്സ്” ഡെയ്സി പറഞ്ഞു.

ആ റൂമിലാകെ എന്തോ പന്തികേട് ഉള്ളത് പോലെ ആദത്തിന് തോന്നി. ആരോ തന്നെ മറഞ്ഞിരുന്നു നോക്കുന്നത് പോലെ അവന്റെ സിസ്ത് സെൻസ് അവനോട് പറഞ്ഞു.അന്തരീക്ഷത്തിൽ ഒക്കെ എന്തോ മാറ്റം പോലെ അവന് തോന്നി.

“വെ.. വേണ്ട.. എനിക്ക് പോണം.. ഇവിടെ എന്തോ പ്രശ്നം ഉണ്ട്..എനിക്ക് പോണം.. എനിക്ക് എന്തോ പേടി തോനുന്നു…”ആദം പറഞ്ഞു.

സത്യത്തിൽ ഡെയ്സിക്ക് ദേഷ്യമാണ് വന്നത്. പാവം പയ്യൻ ആയത് കൊണ്ടാണ് ആദത്തിനെ അവൾ bf ആയി തിരഞ്ഞെടുത്തത്. ഇതിപ്പോൾ ഒരു കളി കളിക്കാം എന്ന് കരുതിയപ്പോൾ അവന് ഈ സ്ഥലം പേടിയാണ് പോലും.

“എന്നാൽ പിന്നെ…അങ്ങനെ ആകട്ടെ”ദേഷ്യം പുറമെ പ്രകടിപ്പിക്കാതെ ഡെയ്സി അവന് പോകാൻ അനുമതി നൽകി.

ഡെയ്സി എഴുന്നേറ്റു ബ്രാ അഡ്ജസ്റ്റ് ചെയ്ത ശേഷം അവനെ താഴേക്ക് കൊണ്ടുപോയി. മുൻവശത്തെ വാതിൽക്കൽ എത്തിയപ്പോൾ അവൾ അവൻ്റെ കവിളിൽ ചുംബിച്ചു. “വെള്ളിയാഴ്ച കാണാം”അവൾ പറഞ്ഞു.