🏘️ബോസ്റ്റൻ ബംഗ്ലാവ് 3 [Gladiator] 1115

“സത്യം പറ ജൂലി…കുഞ്ഞിന്റെ അച്ഛൻ ആരാണ്…?” സ്വപ്നത്തിലെ ജൂലിയുടെ ഭർത്താവ് ചോദിച്ചു.

ആ ചോദ്യം ചോദിച്ച മാത്രയിൽ അവൻ ജൂലിയുടെ കൈ മുറുക്കെ പിടിച്ചു ഞെരിച്ചു. അവൾക്ക് നന്നായി വേദനിച്ചു.

ജൂലി വേദന കൊണ്ട് നിലവിളിച്ചു. അവളുടെ കയ്യിലെ എല്ലുകൾ പൊട്ടിത്തെറിച്ചത് പോലെ അവൾക്കു തോന്നി.ജൂലി പൊട്ടിക്കരഞ്ഞു

“നീ എന്താണ് ഉദ്ദേശിച്ചതെന്ന് എനിക്കറിയില്ല, ഫ്രെഡറിക്ക്.”സ്വപ്നങ്ങളിൽ കാര്യങ്ങൾ ചെയ്യുന്നതുപോലെ അവൾ അവന് മറുപടി നൽകി., അവൻ്റെ പേര് ഫ്രെഡറിക് ആണെന്നവൾക്ക് വ്യക്തമായി.

ഇത് ഫ്രെഡറിക് ആണ്…കത്രീനയുടെ ഭർത്താവ്. ഈ ബംഗ്ലാവിന്റെ ആദ്യ അവകാശി.

ആ ചിന്ത ജൂലിയുടെ തലച്ചോറിൽ കയറി.

അതെ സമയം ഫ്രെഡറിക് കൂടുതൽ ശക്തിയായി അവളുടെ കൈ ഞെരുക്കി.അവളുടെ ഇടതുകൈയിലെ അതിലോലമായ എല്ലുകൾ ഒന്നൊന്നായി ഒടിഞ്ഞു. ജൂലി നിലവിളിച്ചു.

“ആഹ്.. പ്ലീസ്.. വിട്…”അവൾ കരഞ്ഞു നിലവിളിച്ചു.

“പോ.. പോയി.. നിന്റെ മകനെ രക്ഷിക്കാൻ നോക്ക്…. അവനാണ് നിന്റെ വയറ്റിൽ വിത്ത് പാകിയതെങ്കിൽ രണ്ടിനെയും ഞാൻ കൊന്ന് തള്ളും..”ഫെഡറിക്ക് അവളുടെ കൈയിൽ നിന്നും പിടി വിട്ടു.

പിടിവിട്ടതിന്റ ആഖാതത്തിൽ ജൂലി നിലത്തേക്ക് വീണു. അവളുടെ കൈ ആകെ ചുവന്നു തുടുത്തിരുന്നു. ഫെഡറിക്കിന്റെ കൈ വിരലുകൾ അവളുടെ വെളുത്ത കൈകളിൽ ചുവന്നു തുടുത്തു കിടന്നു.

“ചി.. പോടീ….പോകാൻ.. എന്റെ കണ്മുന്നിൽ നിന്ന് പോകാൻ..”എന്ന് പറഞ്ഞുകൊണ്ട് ഫെഡറിക്ക് ജൂലിയുടെ മുഖത്തേക്ക് ആഞ്ഞു ചവിട്ടി.

“ആആഹ്ഹ്ഹ്…”ഞെട്ടലോടെ ജൂലി ഉറക്കത്തിൽ നിന്നും ഞെട്ടി ഉണർന്നു.തൻ്റെ നഗ്നമായ മുലകളിൽ പുതപ്പ് മുറുകെപ്പിടിച്ചുകൊണ്ട് ജൂലി ശ്വാസമെടുക്കാൻ പറ്റാതെ കട്ടിലിൽ ഇരുന്നു. ഹൊ..എന്തൊരു സ്വപ്നമായിരുന്നു അത്.