🏘️ബോസ്റ്റൻ ബംഗ്ലാവ് 3 [Gladiator] 1355

“ഓക്കേ.. തെൻ.. സമയം പോലെ നമുക്ക് ലൈബ്രറിയിൽ പോകാം.. ഇന്നിനി വേണ്ട..ശനിയാഴ്ച ആവട്ടെ.ആരൊക്കെ ഉണ്ട് എന്റെ കൂടെ താക്കോൽ അന്വേഷിക്കാൻ..?”ജോർജ് ചോദിച്ചു.

“ഞാൻ വരാം..”ഡെയ്സി പറഞ്ഞു.

“നിങ്ങൾ അച്ഛനും മോളും പൊക്കോ.. ഞാൻ ആ സമയം ഒന്ന് ഉറങ്ങട്ടെ…ഇവിടെ വന്നിട്ട് വല്ലപ്പോഴുമാ ഒന്ന് റസ്റ്റ്‌ എടുക്കാൻ പറ്റുന്നത്. എപ്പോഴും റൂം ക്ലീനിങ്ങും, അടിച്ചുവാരലും അല്ലേ..” ജൂലി പറഞ്ഞു.

“എനിക്കൊരു പ്രൊജക്റ്റ്‌ ചെയ്ത് തീർക്കാനുണ്ട്” ഡാനിയേൽ പറഞ്ഞു.

ആ സംസാരം അവിടെ അവസാനിച്ചു.

🔸🔸🔸🔸

ലിവിങ് റൂമിലെ നേരിപ്പൊടിനു താഴെ വിറകുകൾ കത്തി എരിയുകയാണ്. ഇരുട്ട് വീണ ആ മുറിയിൽ ആ തീക്കൂനയിലെ നിന്നുള്ള വെളിച്ചം അവിടെമാകെ പ്രകാശം പരത്തി ..തീയുടെ അരികിലായി ചാരുകസേരയിൽ ഇരുന്നുകൊണ്ട് പുസ്തകം വായിക്കുക ആയിരുന്ന കത്രീന ഒന്ന് ചിരിച്ചു.

“ഓ…ജൂലി…നിന്റെ ലിറ്ററേച്ചർ ടേസ്റ്റ് അപാരം തന്നെ…വർഷങ്ങൾക്ക് ശേഷം നീ കാരണം വീണ്ടും എനിക്കി പുസ്തകം വായിക്കാൻ സാധിച്ചു” കയ്യിലിരുന്ന “First Love” എന്ന പുസ്തകത്തിന്റെ അവസാന പേജും വായിച്ചു തീർത്തു തന്റെ പ്രെഗ്നന്റ് വയർ തടവി കൊണ്ട് കത്രീന പറഞ്ഞു.

“ടോങ്.. ടോങ്…”ആ ബംഗ്ലാവിൽ എവിടെയോ ക്ലോക്ക് 2 തവണ കരഞ്ഞു. സമയമിപ്പോൾ വെളുപ്പിന് 2 മണിയായിരുകുന്നു.

“ങേ.. ഞാൻ എങ്ങനെ?” ജൂലി മുറിക്ക് ചുറ്റും നോക്കി. ബെഡിൽ ഉറങ്ങി കിടന്ന താൻ എങ്ങനെ കണ്ണ് തുറന്നപ്പോൾ ലിവിങ് റൂമിൽ എത്തിയെന്നു അവൾക്ക് മനസിലായില്ല. ലിവിങ് റൂമിലെ ആ പഴയ നെരിപ്പോട് കത്തുന്നത് കണ്ടപ്പോൾ ആശ്ചര്യമാണ് അവൾക്കു തോന്നിയത്.ലിവിങ് റൂമിലെ ചിമ്മിനി കേടായി ഇരിക്കുക ആയിരുന്നു. അത് വീണ്ടും വർക്ക് ആകണമെങ്കിൽ അതിൽ കുറേ അറ്റകുറ്റ പണികൾ ചെയ്ത് തീർക്കാൻ ഉണ്ടായിരുന്നു, പക്ഷേ ദേ അടുപ്പിൽ തീ ആളിക്കത്തുന്നു. ചുവരുകളിൽ, വെച്ചിട്ടുള്ള പന്നിയുടെയും മാനിൻ്റെയും മൂസിൻ്റെയും തലകൾ അവളെ തുറിച്ചു നോക്കുന്നത് പോലെ അവൾക് തോന്നി . റൂമിൽ കിടന്ന ഫർണിച്ചറുകളുടെ എല്ലാം സ്ഥാനവും തെറ്റായിരുന്നു.ലിവിങ് റൂമിങ് തൂക്കി ഇട്ടിരുന്ന കർത്താവിന്റെ ചിത്രം കാണാൻ പോലുമില്ല.