🏘️ബോസ്റ്റൻ ബംഗ്ലാവ് 5 [Gladiator] 1544

“ജോർജ്.. നമുക്ക് ആരെയെങ്കിലും വിളിച്ചു ഈ ബംഗ്ലാവ് ഒന്ന് കാണിച്ചാലോ…പഴയ കെട്ടിടം അല്ലേ.. വല്ല ഭൂതപ്രേതങ്ങളും ഉണ്ടെങ്കിലോ..?”അവൾ പറഞു.

“നീയെന്താ പ്രേതത്തിനെ കണ്ടോ.. ഹ ഹ…”അവളുടെ തോളിൽക്കൂടി കൈ ഇട്ട് ജോർജ് ചിരിച്ചു.പക്ഷെ അവൾക്കത് തമാശ അല്ലായിരുന്നു.

“കണ്ടു…അല്ല.. കണ്ടില്ല….”അവൾ പറഞ്ഞു.

“അങ്ങനെ ഒന്നും തന്നെ ഈ ലോകത്തില്ല ..ഇത്ര സില്ലി ആവല്ലേ നീ…നീ എപ്പോഴും ഒറ്റക്ക് നടന്നിട്ടാ ഇങ്ങനെയൊക്കെ തോന്നുന്നത് .. എന്റെ കൂടെ നടന്നോ എന്റെ വാവ” ജോർജ് പറഞ്ഞു.

“മ്മ്മ് “അവൾ മൂളി.എന്ത് പറയണമെന്ന് അവൾക് അറിയില്ലായിരുന്നു.അവൾ ഒന്നും മിണ്ടാതെ ജോർജിന്റ കൈ പിടിച്ചുകൊണ്ടു മുകളിലെ റൂം വൃത്തിയാക്കാനായി പോയി.

🔸🔸🔸

ഡെയ്സിയും ഡാനിയും കാടുപിടിച്ചു കിടക്കുന്ന ഗാർഡൻ ഏരിയയിലേക്ക് നടന്നു.പൊളിഞ്ഞു കിടന്ന ആ ഉരുളൻ പാത അവരുടെ കണങ്കാലുകളെ തെന്നി വീഴ്ത്താൻ പരമാവധി ശ്രമിച്ചു, അതിനാൽ അവർ ജാഗ്രതയോടെ മുന്നോട്ട് നടന്നു.ഇരുവശങ്ങളിലും മുട്ടോളം പൊക്കമുള്ള പോച്ച വളർന്നു നിന്നു. അതിനിടയിൽ മനോഹരമായ പൂക്കളും പൂത്തുലഞ്ഞു നിന്നു.

https://imgur.com/a/jLViqup

“കാട് കയറി കിടന്നിട്ട് തന്നെ ഇത്രയും ലുക്ക്‌ ആണെങ്കിൽ, പണ്ട് വൃത്തിയായി സൂക്ഷിച്ച കാലത്ത് ഗാർഡൻ എത്ര ബ്യൂട്ടിഫുൾ ആയിരുന്നിരിക്കും”മുന്നിലെ നടന്ന ഡെയ്സി പിറകെ വന്ന ഡാനിലേയിനെ തോൾ ചരിച്ചു നോക്കി പറഞ്ഞു.

“ഇതൊക്കെ വൃത്തിയായി സൂക്ഷിക്കാൻ തന്നെ ഒരുപാട് വേലക്കാർ ഉണ്ടായിരുന്നിരിക്കും.. ആ കാലത്ത് ഇങ്ങനൊരു ബംഗ്ലാവ് വെക്കണമെങ്കിൽ തന്നെ എത്ര വലിയ പണക്കാർ ആയിരുന്നിരിക്കും.”ഡാനിയേൽ പറഞ്ഞു.