മാലൂ, ഇത് ഞാൻ താങ്കളുടെ ശൈലിയിൽ ഇടപെടുകയല്ല. എന്റെ ഒരു ചെറിയ റിക്വസ്റ്റ് ആണ്.

താങ്കൾ ഇവിടെ എഴുതിത്തുടങ്ങിയ കാലം മുതലേ താങ്കളുടെ കഥകൾ ഞാൻ വായിക്കാറുണ്ട്. അടിപൊളി തീം ആയിരുന്നു അവകൾ.പക്ഷെ എന്താണെന്നറിയില്ല ഭൂരിഭാഗം കഥയിലും കഥാപാത്രങ്ങളും സാഹചര്യങ്ങളും ഹൈലെവൽ
ആളുകളും കോടീശ്വരൻമാരും അധോലോകവും ഡാൻസ് പാർട്ടികളും ആയതിനാൽ ഒരു ഫീൽ കിട്ടാറില്ല. (ഇതെന്റെ വ്യക്തിപരമായ അഭിപ്രായം മാത്രമാണ്.താങ്കളുടെ ശൈലി ഇഷ്ടപ്പെടുന്ന പതിനായിരക്കണക്കിന്‌ വായനക്കാരെ ഞാൻ വിസ്മരിക്കുന്നില്ല.)

പല കഥകളുടെയും ടൈറ്റിൽ കണ്ടു ആവേശത്തോടെ വായിക്കാൻ തുടങ്ങുമ്പോൾ മിനിമം അതിലെ കഥാപാത്രം ഒരു കോടീശ്വരനോ, വിദേശത്തെ ഉയർന്ന ജോലിക്കാരനോ ആയിരിക്കും.പോരാത്തതിന് ഇടയ്ക്കിടെ ഇംഗ്ലീഷ് വാക്കുകളും വായനക്കാരന് തന്റെ വായനയിൽ ഉരുത്തിരിഞ്ഞുണ്ടായ രംഗത്തിലേക്ക് ഇടിച്ചു കയറി വരുന്ന ബോളിവുഡ് നടിമാരുടെ ഫോട്ടോകളും.

(ഇതൊന്നും താങ്കളുടെ കഥയെ ഞാൻ വിമർശിക്കുകയല്ല. രണ്ടു വരിപോലും കോപ്പിയടിച്ചു എഴുതാൻ പോലും കഴിവില്ലാത്ത എനിക്കതിനു അർഹതയില്ല താനും. മാത്രമല്ല താങ്കളുടെ ഈ ശൈലി ഇഷ്ടപ്പെടുന്ന പതിനായിരക്കണക്കിന് വായനക്കാരുടെ പിന്തുണയോട് കൂടിയാണ് താങ്കൾ കഥയെഴുതുന്നതും.)

ഞാൻ പറഞ്ഞു വരുന്നത് എന്താണെന്ന് വെച്ചാൽ താങ്കൾ ഇത്തരം കഥകൾ എഴുതുന്നതിനിടക്ക് ഈ അധോലോകവും കോടീശ്വരൻമാരേയുമെല്ലാം ഒഴിവാക്കി ഒരു സാധാരണ ജീവിതം നയിക്കുന്നവരുടെ ഒരു കഥയെഴുതുമോ?? ഒരു നാടൻ ശൈലിയിലുള്ള കഥ. താങ്കളുടെ വിത്യസ്തമായ തീമും കൂടി ചേരുമ്പോൾ അത് അടിപൊളിയായിരിക്കും. അതിനിടക്ക് ഈ ബോളിവുഡ് നടിമാരുടെയോ ബിക്കിനി ഫോട്ടോകളോ ഒന്നും വേണ്ട. (താങ്കളുടെ വാര്യർ പെണ്ണ് എന്ന കഥ അടിപൊളിയായിരുന്നു.)

എന്റെ ഈ എഴുത്ത് കണ്ട് താങ്കൾക്ക് ചിരി വന്നേക്കാം. പക്ഷെ ഞാൻ ഉദ്ദേശിച്ചത് താങ്കൾക്ക് മനസ്സിലായെന്ന് ഞാൻ വിശ്വസിക്കുന്നു. എന്നെ പോലോത്ത വായനക്കാർക്ക് വേണ്ടി അത്തരത്തിലുള്ള ഒരു കഥയെഴുതുമെന്ന് പ്രതീക്ഷിക്കുന്നു….

അപ്പോൾ നീ അങ്കത്തട്ടിലേക്കിറങ്ങാൻ തീരുമാനിച്ചു അല്ലേ …