അസുലഭ ദാമ്പത്യം

Asulabha Dabandhyam | Author : Mathews

ഞാൻ മാത്യൂസ്. ഒരു മുൻ പ്രവാസി ആണ്. ഇപ്പോൾ കോട്ടയം ജില്ലയിൽ ഒരു ഗ്രാമത്തിൽ ജീവിക്കുന്നു. ഞാൻ തനിയെ ആണ് താമസം. ഏക മകൾ ഭർത്താവിനൊപ്പം വിദേശത്താണ്. പ്രവാസം കഴിഞ്ഞു കൃഷിയും മറ്റുമായി കഴിയുന്നു.
എന്റെ ഭാര്യ പത്തു വര്ഷം മുൻപേ മരണപെട്ടു പോയി. കുറെ ബാധ്യതകൾ തീർക്കാൻ ഞാൻ പിന്നെയും ആറു വര്ഷം ജോലി തുടർന്നു. ഇപ്പോൾ നാട്ടിൽ എത്തിയിട്ട് നാലു വർഷങ്ങൾ കഴിഞ്ഞു. കൃഷിയിൽ നിന്നും മറ്റും നല്ല
വരുമാനം ഉള്ളത് കൊണ്ട് അതിൽ മുഴുകി അലസത ഇല്ലാതെ ജീവിതം മുൻപോട്ടു പോകുന്നു.
എന്റെ അടുത്ത് തന്നെ എന്റെ സുഹൃത്തും ബന്ധുവും ആയ രാജേഷും ഭാര്യ ലീനയും താമസിക്കുന്നു. രണ്ടു മക്കൾ. മകളുടെ വിവാഹം കഴിഞ്ഞു. മകൻ ചെന്നൈയിൽ ഉദ്യോഗത്തിൽ ആണ്. അവർ രണ്ടുപേരും നല്ല സഹായം ആണ്. മിക്ക ദിവസംവും രാത്രി ഞങ്ങൾ ഒത്തു കൂടും. ആഴ്ച ഒന്ന് രണ്ടു ദിവസം ചെറിയ മദ്യപാനം ഭക്ഷണം എല്ലാം ഉണ്ടാകും. പല കാര്യങ്ങളും ഞങ്ങൾ സംസാരിക്കും. സമയം പോകുന്നത് അറിയില്ല. വളരെ ഉഷമളമായ ഒരു ബന്ധം ഞങ്ങൾ തമ്മിൽ ഉണ്ട്. പള്ളിയിലും മറ്റു വീട്ടാവശ്യങ്ങൾക്കും ഞങ്ങൾ മുന്ന് പേരും കൂടെ ആണ് പോകുന്നത്. ഒരു കുടുംബം പോലെ ഞങ്ങൾ മുൻപോട്ടു പോയി കൊണ്ടിരിക്കുന്നു.
രാജേഷ് നാട്ടിൽ വന്നിട്ട് രണ്ടര വര്ഷം ആയി. അതിനു മുൻപേ അവൻ ദുബൈയിൽ നല്ല ജോലിയിൽ ആയിരുന്നു. ഭാര്യ മാത്രമേ ഇവിടെ ഉണ്ടായിരുന്നുള്ളു. മകൻ ചെന്നൈയിൽ ജോലി ആയതിനു ശേഷം അദ്ദേഹം ഇവിടെ ആണ്. മകൻ ഇടയ്ക്കു വരും. മകൾ ആണെങ്കിൽ ഒന്ന് രണ്ടു വര്ഷം കൂടുമ്പോൾ ആണ് വരുന്നത്.
ഞങ്ങളുടെ ജീവിതം തന്നെ മാറ്റി മറിച്ച സംഭവം ഉണ്ടായത് ഇന്നലെ ആണ്. ഇന്നലെ എന്റെ ജന്മ ദിനം ആയിരുന്നു. എനിക്ക് ഭാര്യ മരിച്ചതിനു ശേഷം ഒരു സാധാരണ ദിവസം പോലെ തന്നെ. മകൾ രാവിലെ തന്നെ വിളിക്കും. അതിനു ശേഷം ജോലികളിൽ മുഴുകും. എന്നാൽ ഇന്നലെ മകൾ വിളിക്കുന്നതിന്‌ മുൻപേ രാജേഷും ലീനയും എത്തി. കൈയിൽ ലീന ഉണ്ടാക്കിയ ഒരു കേക്കും ഉണ്ട്. വന്നപാടെ രാജേഷ് പിറന്നാൾ ആശംസകൾ നേർന്നു കെട്ടിപിടിച്ചു. കേക്ക് ചെറിയ മേശമേൽ വച്ച് കത്തി എടുക്കാൻ ലീന അടുക്കളയിൽ പോയി.
‘എന്താടാ ഇന്ന് പരിപാടി’ രാജേഷ് ചോദിച്ചു.
‘മോൾടെ ഫോൺ വരണം പിന്നെ എല്ലാം സാധാരണം.’