വിധുബാല …തന്റെ പെണ്ണ് ..
എന്തിനാണ് തന്നെയിട്ട് പോയത് ..
ഒരുനാൾ വന്നു , എവിടെനിന്നെന്നെറിയാതെ ,
ഒരായുസ്സോളം സ്നേഹം പകർന്നു നൽകി ,
ഒടുവിൽ ,
ഒരുവാക്കുപോലുമുരിയാടാതെ എന്റെ പെണ്ണ് ..
എന്തിനാണ് മരിച്ചതെന്ന് ഹേമ പറഞ്ഞത് ?
ശങ്കരേട്ടനും അത് ശരി വെച്ചത് ?
എന്തിനാണ് തന്നെയവർ മറച്ചത് ?
ബാലയുടെ സന്തോഷമല്ലായിരുന്നോ തനിക്കും വലുത് ?
അവരുടെ സന്തോഷത്തിൽ കരടായി മാറുമെന്ന് കരുതിയാണോ ?
അങ്ങനെയാണോ തന്നെയവൾ കണ്ടത് ?
റോജിയുടെ കണ്ണീർ ഷവറിലെ വെള്ളത്തിലലിഞ്ഞു…
“” നീ വൈകിട്ട് റൂമിലേക്ക് വരുന്നില്ലേ ?”” ബാഗ് എടുത്തു വെക്കുന്ന റോജിയോട് രാജേഷ് തിരക്കി .
ജോയിൻ ചെയ്തു നാല് മാസത്തിനൊടുവിൽ നാട്ടിലേക്ക് ട്രാൻസ്ഫർ ആയിരുന്നു അവന്
“‘ഇല്ലടാ …. ഓഫീസിൽ നിന്ന് നേരെ ട്രെയിൻ. കുറച്ചു സാധനങ്ങൾ വാങ്ങാനുണ്ട് ….””
“‘ഹ്മ്മ്മ്മ് …”” രാജേഷ് മൂളി .
””’ ജാൻസി കുഞ്ഞേ ..”” മലയാളത്തിലുള്ള വിളി കേട്ടാണ് , റെയിൽ വേ സ്റ്റേഷന് മുന്നിലെ ബുക്ക് സ്റ്റാളിൽ നിന്ന റോജി തിരിഞ്ഞു നോക്കിയത് …””
“‘ വിധൂ …ബാലാ …””’ ബുക്ക് സ്റ്റാളിൽ നിന്നിറങ്ങുന്ന വിധുബാലയെ കണ്ടതും അവൻ പുറത്തേക്ക് ഓടിയിറങ്ങി .
പക്ഷെ … അവിടെയെങ്ങുമവളെ കാണാനില്ലായിരുന്നു .
തിരക്കേറിയ റോഡിൽ അങ്ങുമിങ്ങുമവൻ തന്റെ പെണ്ണിനെ തിരക്കിയെങ്കിലും നിരാശയായിരുന്നു ഫലം .
“” ശങ്കരേട്ടാ …..ശങ്കരേട്ടാ .. ഹാലോ …”‘ തിരിച്ചു റെയിൽവേ സ്റ്റേഷനിലേക്ക് റോഡ് മുറിച്ചു കിടക്കവേ ശങ്കരേട്ടന്റെ കാർ കണ്ടതും അവൻ ഉറക്കെ വിളിച്ചു കൂവി , ആ കാറിൽ നിന്ന് വിധുവിന്റെ തല പുറത്തേക്കൊന്ന് തിരിഞ്ഞു , പതിയെ പിൻസീറ്റിലെ ഗ്ലാസ് ഉയർന്നതും കാറിന്റെ വേഗം കൂടി ..
ശങ്കരേട്ടൻ … !!!
അയാൾക്കെല്ലാം അറിയാം …
ഒരിക്കൽ കാണണം ….
അപ്പോഴിതൊരു സ്വപ്നമല്ല..
ആണെങ്കിൽ താഴെ തോടിൽ മുളങ്കാട്ടിൽ ചെളിപിടിച്ചു കിടക്കുന്ന ബാലയുടെ ബ്രെസിയറുകളും ബ്ലൗസുകളും ഉണ്ടാകുമായിരുന്നില്ല
ഒരിക്കൽ താനീ സ്വപ്നത്തിന്റെ ചുരുളഴിക്കും …
ഒന്നും മറക്കില്ല രാമാ ….
റോജി ബുക്ക് സ്റ്റാളിലേക്ക് കയറി താൻ എടുത്തുവെച്ച ബുക്കിന്റെ പേരൊന്ന് കൂടി വായിച്ചു ..
“‘ എ ലൂസിഡ് ഡ്രീം “”
സ്നേഹത്തോടെ -രാജ
Smitha chechiye kurich valla arivum undo
Taalam tettya tarattinte bakki undavumo
രാജാവേ അവരുടെ രതിലോകം, താളം തെറ്റിയ താരാട്ട്, ജീവിതം സാക്ഷി തുടങ്ങിയ കഥകളുടെ തുടർഭാഗങ്ങൾ പ്രതീക്ഷിക്കുന്നു
മുളന്തണ്ടിൽ നിന്നുതിരുന്ന സംഗീതംപോലെ സ്വപ്നമേതെന്നോ യാഥാർഥ്യമേതെന്നോ തിരിച്ചറിയാനാവാത്ത ഒരുപിടി മധുര നിമിഷങ്ങൾ നിറഞ്ഞൊരു കാവ്യാനുഭൂതി.
തിരിച്ചുവരവ് കലക്കി രാജാവേ… എനിക്കിഷ്ടപ്പെട്ടു…കൂടുതൽ ഇഷ്ടപ്പെട്ടത് ആ കുടിലിന്റെ മനോഹാരിത തന്നെ… ഹൈറേഞ്ചിനെ ഒപ്പിവെച്ചതുപോലൊരു വീട്… അത് സൂപ്പറായി…
ബാല ഒരിക്കൽ വസുന്ധര ആയീട്ടോ… അടുത്ത കഥയ്ക്കായി വെയ്റ്റിങ്. അതൊരു മുഴുനീള കഥ വേണേ… ആ രാജാസ് മാജിക്കുള്ള ഒന്ന്…
ഹൃദയപൂർവ്വം
ജോ
എഴുതി മാറ്റിവെച്ചതിലൊന്നാണിത് .. ചില ഭ്രാന്തൻ ചിന്തകൾ ..
താങ്കൾ രാവിലെ പറഞ്ഞപ്പോൾ സൈറ്റിലേക്കുള്ള വക തിരുകിക്കയറ്റി , എഡിറ്റിംഗ് പോലും അധികം നോക്കാതെ അയച്ചിട്ടിറങ്ങുകയായിരുന്നു . അത് കൊണ്ട് തന്നെ അപൂർണമാണിത് .. ഭ്രാന്തൻ ചിന്തകൾ ബാക്കി ..
നന്ദി …
രാജാവേ, സുഖമാണോ? നിങ്ങടെ വാക്കുകൾക്ക്, എഴുത്തിന്റെ ശൈലിക്ക് ഒക്കെ പ്രത്യേക ഫീലാണ്. ഒരു മന്ദൻരാജ ടച്ച്.
സുഖം മൈക്കിളാശാൻ ,
താങ്കൾക്കും സുഖമെന്ന് കരുതുന്നു ..
നന്ദി ..
എന്റെ കഥ എഴുതുമോ?
ജീവിതങ്ങൾ എഴുതിയിട്ടുണ്ടിവിടെ ,
പലതും ഫാന്റസികൾ , നുണക്കഥകൾ ..
ഇനിയില്ലങ്ങനെയൊന്ന് ..
നന്ദി …
നിയതമായ ഒരു പ്ലോട്ടില്ലാതെ ചിതറിക്കിടക്കുന്ന ചിന്തകൾ വരച്ചുവെച്ച കഥ എനിക്ക് വളരെയിഷ്ട്ടമായി. ഇമ്മാതിരി എഴുത്താവുമ്പോൾ ലോജിക്കൊന്നും നോക്കണ്ട ആവശ്യമില്ല. ഒരു സിനിമ കണ്ടിറങ്ങുമ്പോൾ ബോറഡിക്കരുത്‌…ആനന്ദാനുഭൂതി ഇത്തിരിയെങ്കിലും കിട്ടണം…ഇത്രേയുള്ളൂ മിനിമം ഡിമാന്റ്. ഇവിടെ ആനന്ദം വേണ്ടുവോളം.
പുഴുങ്ങിയ മരച്ചീനി കാന്തിരിമുളകും കുഞ്ഞുള്ളിയും ചതച്ചു വെളിച്ചെണ്ണയൊഴിച്ച ചമ്മന്തി കൂട്ടി ചൂടു കട്ടനും അകമ്പടിയായി വെളിയിൽ മഴപെയ്യുമ്പോൾ വരാന്തയിലിരുന്ന്‌ മൂക്കുമുട്ടെ വിഴുങ്ങുന്ന രുചിയാണ്‌ രാജയുടെ രതിവർണ്ണനകൾ വായിക്കുമ്പോൾ. പച്ചമണ്ണിന്റെ മണമുള്ള ആ വരികളോട്‌ അസൂയയാണ്‌.
ഇനിയും കാണുമല്ലോ. പ്രിയ സഖിയും വരുമെന്നാശിക്കുന്നു.
ഋഷി
മുനിവര്യാ ..
ചിന്തകൾ , ടെൻഷനുകൾ മൂത്തൊരു വിധമാകുമ്പോൾ കുത്തിക്കുറിക്കും ,
പലതും പ്രസിദ്ധീകരിക്കാനല്ല .
ഇതും അതിലൊരു തുടക്കമായിരുന്നു .
ഈ ഡേറ്റിൽ ഒരു കഥയിടണമെന്നുള്ള ചിന്തയിൽ അല്പം എഴുതി , വെച്ചു , പിന്നെയുമെടുത്തേഡിറ്റ് ചെയ്തിട്ടു .
പോരായ്മകേളേറെയുള്ള ഈ സൃഷ്ട്ടിയും ഇഷ്ടമായത് എന്നോടുള്ള ഇഷ്ടം കൊണ്ടാണെന്നറിയാം .
ഒരിക്കൽ നല്ലൊരു കഥ തരണമെന്നുള്ള ആഗ്രഹത്തിൽ പുതുവർഷാശംസകളോടെ -രാജാ
ചെറിയ ഇടവേളക്ക് ശേഷം വരുമെന്ന് നിനച്ചിരുന്നു. കഥ വായിച്ചപ്പോൾ ഓരോ വരിയിലും മന്ദൻരാജയെ കണ്ടു.!
പുതുവത്സരപ്പതിപ്പിലും കഥ പ്രതീക്ഷിക്കുന്നു.
സസ്നേഹം
ലൂസിഫർ
നന്ദി ലൂസിഫർ ബ്രോ ..
നിങ്ങൾ ചുരുക്കം ചിലരുടെ എഴുത്തുകൾ മിസ് ആകുന്ന പോലെ ..
റസാക്കിൽ ഞാനുണ്ടന്ന് പറഞ്ഞിരുന്നു .
ചിലത് കൊണ്ട് ,ഇങ്ങോട്ടേക്ക് അധികം വരാറില്ലയെങ്കിലും വാർത്തകൾ അറിയാറുണ്ട് .
എഴുതുക … കാത്തിരിക്കുന്നു .
പതിപ്പിൽ എല്ലാ വർഷവും ഞാനിട്ടിരുന്നു ..
ഇത്തവണ ഉണ്ടാവില്ല ..ആ സമയത്തേക്ക് എങ്കിലും മൈൻഡ് ശെരിയായാൽ പുതുവർഷത്തിന് ഒരു ചെറുകഥ എങ്കിലും ഇടണമെന്ന് കരുതുന്നു .
-രാജാ
രാജ സർ, ഈ സൈറ്റിൽ കഥകൾ വായിച്ചിട്ടുള്ള ഏതൊരാളുടെയും പ്രിയപ്പെട്ട കഥകളിൽ ഒന്ന് അത് താങ്കളുടെ ആവും. താങ്കൾ എന്ന എഴുത്തു കാരനെ താങ്കളുടെ കഥകൾ വായിച്ച ഒരാൾ എന്ന നിലയിൽ ഞാൻ പറയാം. ഇതുവരെ എഴുതിയ കഥകളിലും മികച്ച കഥകൾ രാജയുടെ പേന തുമ്പിൽ നിന്ന് തഴച് വളരും. ഒരിക്കലും നശിക്കാത്ത മഹാവൃക്ഷാമായി ഈ സൈറ്റിൽ അവ ലനിൽക്കും. I believe your best stories are yet to come.
തിരിച്ചെത്തണമെന്നിക്കുമാഗ്രഹമില്ലാതില്ല ..
ചിലതുകൾ മടുപ്പിച്ചപ്പോൾ കൂടെ നിന്നവർ
തിരികെയെത്തുമ്പോൾ ഞാനും സജീവമായേക്കാം ..
നന്ദി സപ്പോർട്ടിന് , സ്നേഹത്തിന്
താങ്കൾ മനസുകൊണ്ട് പൂർണമായും തയ്യാറാകുമ്പോൾ തിരിച്ചു വരുക. ഞാനും എന്നപോലെ എണ്ണി നിർത്താൻ കഴിയാത്ത താങ്കളെ ഇഷ്ടപെടുന്നവരും.. ഇവിടെ ഉണ്ടാവും താങ്കളെയും കാത്ത്.
You are forever The King.