ആദിത്യഹൃദയം 5 [അഖിൽ] 894

അവർ ആദ്യം തന്നെ വയനാട് ലക്ഷ്യമാക്കി നീങ്ങി ….

അവിടുന്ന്… മൈസൂർ വഴി താടകാ വനത്തിലേക്കും …..

പോകുന്ന വഴിയിൽ …. അങ്ങിങ്ങായി സ്ഥലങ്ങൾ കാണുവാനായി ….

അവർ വണ്ടി നിർത്തിയിരുന്നു …….

അവസാനം അവർ താടകാ വനത്തിലെ  സജീവിൻ്റെ എസ്റ്റേറ്റിലേക്ക് എത്താറായി ……

അഭിയുടെ വണ്ടി ആയിരുന്നു മുൻപിൽ ……

പെട്ടന്നു ചന്ദ്രശേഖരൻ്റെ വണ്ടി അഭിയുടെ വണ്ടിയുടെ മുൻപിലേക്ക് കയറി ….

പിന്നാലെ തന്നെ സഹായികളുടെ വണ്ടിയും ……

അഭി കുറച്ചു ദൂരം കൂടെ അവരുടെ പിന്നാലെ തന്നെ ഓടിച്ചുകൊണ്ടിരുന്നു ….

സമയം രാത്രി എട്ടുമണി കഴിഞ്ഞിരിക്കുന്നു…….

അവർ താടകാ വനത്തിലൂടെ സഞ്ചരിച്ചുകൊണ്ടിരുന്നു …

പെട്ടന്ന്  വണ്ടികളെല്ലാം ഇടത്തേക്ക് ഇൻഡിക്കേറ്റർ ഇട്ടു ….

ഒരു  ഇടവഴിയിലേക്ക് കയറി …….

വഴിയിലേക്ക് കയറുമ്പോൾ തന്നെ …

ഒരു ചങ്ങലകൊണ്ട് ആ വഴി അടച്ചിരുന്നു …..

അതേപോലെ വരുന്ന വഴിക്കെല്ലാം ജാഗ്രത ബോർഡ് വെച്ചിരുന്നു …..

മുൻപിലെ ചങ്ങല അഴിക്കുവാൻ സഹായികളുടെ വണ്ടിയിൽ നിന്നും ഒരാൾ ഇറങ്ങി ….

അയാൾ ചങ്ങല മാറ്റി ….. വണ്ടികളെല്ലാം ആ ഇടവഴിയിലൂടെ മുന്നിലേക്ക് നീങ്ങി ….

അയാൾ വേഗം തന്നെ മുൻപിലെ വണ്ടിയിലേക്ക് കയറി …..

വണ്ടി ആ വഴി പോകുമ്പോഴും …..

വിഷ്‌ണു എല്ലാ ഭാഗത്തേക്കും കണ്ണോടിച്ചുകൊണ്ടിരിന്നു….

വരുന്ന വഴിക്ക് തന്നെ നിരവധി ജാഗ്രത നിർദേശങ്ങൾ …

ഇതെല്ലാം വിഷ്‌ണു ശ്രദ്ധിച്ചിരുന്നു ……

ആമിക്കാണെങ്കിൽ സന്ധ്യാസമയത്ത് കാട്ടിലൂടെ സഞ്ചരിക്കുന്ന കൗതുകം …..

അങ്ങനെ കുറച്ചു നേരത്തെ യാത്രക്ക് ശേഷം ….

അവർ ഒരു വലിയ കവാടത്തിൻ്റെ  മുൻപിലെത്തി….

മുൻപിലുണ്ടാട്ടിരുന്ന സഹായികളുടെ വണ്ടി രണ്ടുമൂന്നു പ്രാവിശ്യം നീട്ടി ഹോൺ അടിച്ചു …

അതോടെ  വേഗം തന്നെ ഒരാൾ വന്നു ആ വല്യ കവാടം തുറന്നു …

മൂന്നു വണ്ടികളും വേഗത്തിൽ തന്നെ എസ്റ്റേറ്റിലേക്ക് കയറി ….

കവാടം കടന്നാൽ രണ്ടുസൈഡിലും ടാറിട്ട  റോഡുകൾ …..

രണ്ടുറോഡും കാർപോർച്ചിലേക്ക് ബന്ധിപ്പിച്ചിരിക്കുന്നു …..