💞 ആരാധ്യ ടീച്ചർ [Nishinoya] [Onam Special] 1103

 

 

 

“… അളിയാ നീ എന്റെ ഒപ്പം ഒന്ന് വരണം കേട്ടോ…” ക്ലാസ്സ്‌ കഴിഞ്ഞ് ഇറങ്ങവെ അൻവറിനോട് പറഞ്ഞു.

 

 

 

“… എന്താടാ കാര്യം…”

 

 

 

“… ബൈക്ക് പഞ്ചർ ആട. അത് ഒന്ന് പൊക്കി വർക്ക്‌ഷോപ്പിൽ എത്തിക്കണം. ബസ്സിൽ ഒന്നും പോവാൻ മേല…”

 

 

 

“… ശരിയട നമുക്ക് ഒരുമിച്ച് പോവാം…”

 

 

 

അൻവറിനെയും കൂട്ടി പോയി ബൈക്ക് എടുത്ത് പഞ്ചർ ഒട്ടിച്ചു അടുത്തുള്ള ചായ കടയിൽ കയറി ഓരോ ചായ പറഞ്ഞു.

 

 

 

“…ഇന്ന് നീ പറഞ്ഞത് സീരിയസ് ആയിട്ടാണോ…” ചായ കുടിക്കവേ അൻവർ ചോദിച്ചു.

 

 

 

“… എന്ത്…”

 

 

 

“… ടീച്ചറുടെ കാര്യം. ഞാൻ ഉപദേശിക്ക ആണെന്ന് നീ കരുതരുത് നമ്മുക്ക് അത് വേണ്ടടാ…”

 

 

 

“… ഇല്ലടാ എന്റെ തീരുമാനത്തിൽ മാറ്റം ഇല്ല…”

 

 

 

“… നിനക്ക് എന്താടാ പറ്റിയെ. പെണ്ണ് കേസിൽ ഒന്നും നീ തലയിടാത്തത് അല്ലെ…”

 

 

 

“…നിനക്ക് അത് പറഞ്ഞാൽ മനസ്സിലാവില്ല എന്റെ വീട്ടുകാർ പോലും എന്നെ തല്ലിയിട്ടില്ല. അപ്പോഴാ അവൾ അതും അത്രയും പേരുടെ മുന്നിൽ വച്ച്…”

 

 

എന്റെ കണ്ണിൽ അവളോടുള്ള പക കത്തി ജ്വലിച്ചു. എന്റെ തീരുമാനത്തിന് മാറ്റം ഒന്നും ഉണ്ടാവില്ല എന്ന് കണ്ട അൻവർ പിന്നെ ഒന്നും മിണ്ടിയില്ല. ചായ കുടി കഴിഞ്ഞ് ബൈക്കും എടുത്ത് വീട്ടിലേക്ക് തിരിച്ചു.

 

 

 

രാത്രി ആഹാരവും കഴിച്ചു ബാൽക്കണിയിൽ രണ്ടാമത്തെ സിഗരറ്റിന് തിരി കൊളുത്തി ഇന്ന് ബസ്സിൽ നടന്നത് എല്ലാം ആലോചിക്കായിരുന്നു എൽവിൻ.