💞 ആരാധ്യ ടീച്ചർ [Nishinoya] [Onam Special] 1103

 

 

“… ഞാൻ ഇവിടെ ഒരു ഹോസ്റ്റലിൽ ആണ്…”

 

 

 

“… എങ്ങനെ ഉണ്ട് അവിടെ…” ലക്ഷ്മി ചോദിച്ചു.

 

 

 

“…സത്യം പറയാലോ മിസ്സേ വല്യ ബുദ്ധിമുട്ടാണ്. രാത്രി എന്നും ചപ്പാത്തി. രാവിലത്തെ ഇഡലി ഉണ്ടെങ്കിൽ ക്രിക്കറ്റ്‌ കളിക്കാം അത്രക്ക് കട്ടിയാണ്. വായിക്ക് രുചിയായിട്ടു വല്ലതും കഴിച്ചിട്ട് ദിവസങ്ങൾ ആയി. രാത്രി എനിക്ക് കുറച്ചു നേരം ബുക്ക്‌ വായിക്കുന്ന ശീലം ഉണ്ട്. ഇവിടെ 9.00 മണിയാകുമ്പോൾ ലൈറ്റ് എല്ലാം ഓഫ്‌ ചെയ്യണം…” ലക്ഷ്മിക്ക് മുന്നിൽ അവളുടെ പരാതിപ്പെട്ടി തുറന്നു.

 

 

 

“…എന്നാ പിന്നെ വേറൊരിടം നോക്കരുതോ…”

 

 

 

“…നോക്കുന്നുണ്ട്. എന്തായാലും ഇനി വേറൊരു ഹോസ്റ്റലിലേക്ക് ഇല്ല. പൈൻഗസ്റ്റ് ആയിട്ടു എവിടേലും കേറിക്കൂടാൻ പറ്റുവൊന്ന് നോക്കണം…”

 

 

 

“… ഞാനും നോക്കാം. ഏട്ടന് holesale കട ആയത്കൊണ്ട് ഒരുപാട് പേരെ അറിയാം. ആ വഴിക്ക് ഞാൻ ഒന്ന് ശ്രമിക്കാം…”

 

 

 

“…എന്നാൽ എനിക്ക് അതൊരു വലിയ ഉപകാരം ആയിരിക്കും.എനിക്ക് ഈ നാട്ടിൽ വേറെ ആരെയും പരിചയമില്ല …”

 

 

 

ആരാധ്യ തനിക്ക് നല്ലൊരു സുഹൃത്തിനെ കിട്ടിയത് പോലെ തോന്നി. ലക്ഷ്മിക്കും അങ്ങനെ തന്നെ.

 

 

 

പിറ്റേന്ന് ഒരു സന്തോഷ വാർത്തയുമായാണ് ലക്ഷ്മി കോളേജിലേക്ക് വന്നത്.

 

 

 

“…ആരാധ്യ മിസ്സേ …”

 

 

 

“…എന്താ മിസ്സേ വല്ലാത്ത സന്തോഷത്തിൽ ആണല്ലോ…” ഓടി അതുത്തേക്ക് വരുന്ന ലക്ഷ്മിയേനോക്കി ആരാധ്യ ചോദിച്ചു.