💞 ആരാധ്യ ടീച്ചർ [Nishinoya] [Onam Special] 1103

 

 

 

“…താങ്ക്സ് മിസ്സേ . എന്നെ ഇങ്ങനെ ആരും സഹായിച്ചിട്ടില്ല…”

 

 

 

“… ഇതിനൊക്കെ എന്തിനാ താങ്ക്സ് നീ എനിക്ക് ഒരു കൂടപ്പിറപ്പിനെ പോലെ അല്ലെ…” അത് കേട്ടതും ആരാധ്യയുടെ കണ്ണുകൾ നിറഞ്ഞു.

 

 

 

“… എന്നാ ഞാൻ പോയി നാളെ ഉച്ചക്ക് ശേഷം ലീവ് എടുക്കുന്നത് പ്രിൻസിയെ അറിയിച്ചിട്ടു വരാം…” കണ്ണ് നിറഞ്ഞത് ലക്ഷ്മിയെ അറിയിക്കാതെ ഇരിക്കാൻ അവൾ അതും പറഞ്ഞു നടന്നു നീങ്ങി.

 

 

 

അടുത്ത ദിവസം തന്നെ ഉച്ചക്ക് ലീവ് ആക്കി ആരാധ്യ കോളേജിൽ നിന്നും ഇറങ്ങി. ബ്രോക്കറെ വിളിച്ചപ്പോൾ വീടിന്റെ location അയച്ചിട്ട് അങ്ങോട്ട് എത്തിക്കോളാൻ പറഞ്ഞു. കിട്ടിയ ബസ്സ് പിടിച് ബ്രോക്കർ പറഞ്ഞ വീട്ടിൽ എത്തി. അത് ഒരു വലിയ ബംഗ്ലാവ് പോലുള്ള വീട് ആയിരുന്നു. കണ്ടപ്പോഴേ അവളുടെ കിളി പോയി. ഉമ്മറത്ത് ആയി ബ്രോക്കർ ചേട്ടനും ഉണ്ടായിരുന്നു.

 

 

 

“…ഒരുപാട് നേരം ആയോ വന്നിട്ട്…” ദിർഥിയിൽ ബ്രോക്കർ ചേട്ടന്റെ അടുത്തേക്ക് എത്തി ചോദിച്ചു.

 

 

 

“… ഇല്ല ടീച്ചറെ ഇപ്പൊ വന്നേ ഉള്ളു.ദാ ആ കാണുന്നതാ വീട് വാ നോക്കാം…”

 

 

 

ബ്രോക്കർ ടീച്ചറേയും കൂട്ടി ഒരു ചെറിയ വീട് കാണിച്ചു. അത്രക്ക് ചെറുത് ഒന്നും അല്ല. ഒരു അടുക്കളയും 2 മുറിയും ഹാളും അടങ്ങുന്ന വീട്. ടീവിയും കട്ടിലും സോഫയും എന്നിങ്ങനെ വേണ്ട എല്ലാ സൗകര്യങ്ങളും ഉണ്ടായിരുന്നു. കണ്ടപ്പോഴേ ആരാധ്യക്ക് വീട് ഇഷ്ട്ടായി പക്ഷെ വാടകയെ കുറിചാണ് പേടി.