💞 ആരാധ്യ ടീച്ചർ [Nishinoya] [Onam Special] 1130

“…അറിഞ്ഞിരുന്നെങ്കിൽ മിസ്സ്‌ ഇവിടേക്ക് വരില്ലായിരുന്നു അല്ലെ…” ആരാധ്യ ഒന്നും മിണ്ടിയില്ല.

“…മിസ്സ്‌ കരുതുന്ന പോലെ ഞാൻ ഒരു ഞരമ്പൻ ഒന്നും അല്ല. അന്ന് ബൈക്ക് പഞ്ചർ ആയതോണ്ട് മാത്രമ ഞാൻ ബസ്സിൽ കയറിയത്. സ്കൂൾ സമയം ആയത് കൊണ്ട് തന്നെ നല്ല ഉന്തും തള്ളും ഉണ്ടായിരുന്നു. പെട്ടെന്ന് സഡൻ ബ്രേക്ക് ഇട്ടപ്പോ വീഴാതെ ഇരിക്കാൻ പിടിച്ചതാണ്. അല്ലാതെ മനഃപൂർവം ചെയ്തത് അല്ല…”

“…പാത്രം…” പെട്ടന്ന് മിസ്സ്‌ എൽവിന് നേരെ കൈ നീട്ടി.

അപ്പോഴാണ് അവനും അത് ശ്രദ്ധിച്ചത് അവർ നടന്നു ഔട്ട്ഹൗസിൽ എത്തിയിരിക്കുന്നു. പാത്രം അവൾക്ക് നൽകി മിസ്സിന്റെ വരവിനായി കാത്തിരുന്നു. കുറച്ചു സമയം കഴിഞ്ഞ് പാത്രത്തിൽ പായസവുമായി ടീച്ചർ എത്തി. പാത്രം അവന് കൊടുത്ത് അവൾ തിരിച്ചു പോവാൻ ഒരുങ്ങി.

“… മിസ്സ്‌…” എന്താണെന്ന് അറിയാൻ അവൾ തിരിഞ്ഞു നോക്കി.

“…പായസം നന്നായിരുന്നു…” അത്ര മാത്രം പറഞ്ഞു തിരിച്ചവൻ വീട്ടിലേക്ക് പോയി.

പിറ്റേന്ന് കോളേജിലേക്ക് എൽവിൻ ബൈക്കിൽ പോവുമ്പോൾ മിസ്സ്‌ ബസ് സ്റ്റോപ്പിൽ നിൽക്കുന്നത് കണ്ടു. ബസ് ഒക്കെ കയറി ആരാധ്യ കോളേജിൽ എത്തിയപ്പോ ഒരു സമയമായി.

“…ഇന്ന് എന്ത് പറ്റി. മിസ്സ്‌ താമസിച്ചല്ലോ…” ലേറ്റ് ആയി ക്ലാസ്സിലേക്ക് കയറിയ ആരാധ്യയെ നോക്കി നിഖിൽ ആരാഞ്ഞു.

“…മിസ്സ്‌ താമസസ്ഥലം മാറി. അതാ ലേറ്റ് ആയത്…” സാമട്ടിൽ എൽവിൻ പറഞ്ഞു. ഈ സമയം കൊണ്ട് ആരാധ്യ ബോർഡിൽ ഓരോ പ്രോബ്ലെംസ് ചെയ്യാൻ തുടങ്ങി.