💞 ആരാധ്യ ടീച്ചർ [Nishinoya] [Onam Special] 1103

 

 

 

“…ആഹ് ഇപ്പൊ എഴുനേൽക്കാം മമ്മി ഒരു 10 മിനുട്ട് കൂടി…” പുതപ്പ് തലവഴി മൂടി ഞാൻ പറഞ്ഞു.

 

 

 

“…ഇത് നിന്റെ രണ്ടാമത്തെ 10 മിനുട്ട് ആണ്. മതി ഉറങ്ങിയത് എഴുന്നേറ്റെ അങ്ങോട്ട്…”മമ്മി എന്നെ കുത്തിപ്പൊക്കി കുളിക്കാൻ പറഞ്ഞു വിട്ടു.

 

 

 

തിരിച്ചു ഇറങ്ങി ഡ്രസ്സ്‌ മാറ്റി ബാഗും ബൈക്കിന്റെ ചാവിയും എടുത്ത് ഹാളിലേക്ക് ചെന്നു.

 

 

 

“…ടാ നീ കഴിക്കുന്നില്ലേ…”

 

 

 

“… ഇല്ല മമ്മി ലേറ്റ് ആവും…”

 

 

 

“… നിക്കട അവിടെ ഞാൻ പിന്നെ ഇതൊക്കെ ആർക്ക് വേണ്ടിയാ ഉണ്ടാക്കിയത്…”

 

 

 

കോളേജിൽ പോവാൻ ഇറങ്ങിയ എന്നെ മമ്മി ബലമായി പിടിച്ചിരുത്തി കാപ്പി വിളമ്പി.

 

 

 

“… ലേറ്റ് ആവും മമ്മി…”

 

 

 

“… ഒരു കുത്ത് വച്ച് തരും ചെക്കാ. നേരത്തും കാലത്തും എഴുനേൽക്കത്തുംമില്ല എന്നിട്ട് ലേറ്റ് ആയെന്നു പോലും…”

 

 

 

ഇനി രക്ഷയില്ല കഴിക്കാതെ എഴുന്നേറ്റാൽ മമ്മി എന്നെ ഇന്ന് കുരിശിൽ കയറ്റും.

 

 

 

“… ഇച്ചായ ആ ബ്രോക്കറോട് പറഞ്ഞു ഔട്ട്ഹോസ്സിലേക്ക് പുതിയ താമസക്കാരെ വല്ലതും നോക്ക്…” പപ്പയോടു അങ്ങനെ പറഞ്ഞു മമ്മി എന്നെ ഇടം കണ്ണിട്ടു നോക്കി.

 

 

 

“… എന്തിനാ എന്നെ നോക്കുന്നെ…”

 

 

 

“… നീ എതിര് വല്ലതും പറയോ എന്ന് നോക്കിയതാ…”

 

 

 

“… നിങ്ങളുടെ ഇഷ്ടത്തിന് ചെയ്തോളാൻ ഇന്നലെ തന്നെ ഞാൻ പറഞ്ഞതല്ലേ…” കഴിപ്പ് മതിയാക്കി ഞാൻ പോയി കൈ കഴുകി.