💞 ആരാധ്യ ടീച്ചർ [Nishinoya] [Onam Special] 1103

അഞ്ജനം വലിച്ചു എഴുതിയ ആ പേടമാൻ മിഴികൾ എന്നെ കൊത്തിവലിച്ചു. ചായം പുരട്ടാത്ത ചെഞ്ചുണ്ടിൽ ദേഷ്യമാണോ അതോ..? അതേ ദേഷ്യം തന്നെയാണ് കവിളും മൂക്കും ചുവന്നിരിക്കുന്നു. ബസ്സിലെ തിരക്ക് കാരണം ആണെന്ന് തോന്നുന്നു മേൽചുണ്ടിലും മൂക്കിൻ തുമ്പത്തും വിയർപ്പിൻ കണികകൾ കാണാം. ഞാൻ അവളിലേക്ക് കൂടുതൽ ആകർഷിക്കപെട്ടു.

എന്നെ ദഹിപ്പിക്കുന്ന നോട്ടം നോക്കിയതിനു ശേഷം വീണ്ടും മുന്നേക്ക് നോക്കി നിന്നും. വീണ്ടും ബസ് മുന്നേക്ക് നീങ്ങി സ്കൂൾ സമയം ആയത്കൊണ്ട് തിരക്ക് കൂടുന്നത് അല്ലാതെ കുറയുന്നില്ല. പ്രതീക്ഷിക്കാതെ ഡ്രൈവർ ബ്രേക്ക് ചവുട്ടിയതും ഞാൻ മുന്നേക്ക് ആഞ്ഞു. സീറ്റിന്റെ കമ്പിയിൽ പിടിച്ചിരുന്ന കൈ പെട്ടെന്ന് വിട്ടുപോയി. വീഴാതെ ഇരിക്കാൻ പിടികിട്ടിയത് എന്റെ മുന്നിലെ പെണ്ണിന്റെ സാരിക്ക് ഇടയിലൂടെ നഗ്നമായ വയറിലായിരുന്നു.

എന്ത് സോഫ്റ്റ്‌ വയറാ പിടിച്ചതും എന്റെ വിരലുകൾ അതിൽ ആഴ്ന്നു പോയി. ഇപ്പൊ എന്താ നടന്നത് എന്ന് ചിന്തിക്കുന്നതിനു മുമ്പ് തന്നെ കണ്ണിൽ നിന്നും പൊന്നീച്ച പാറി. ബസ്സിൽ ഉണ്ടായിരുന്ന എല്ലാവരുടെയും ശ്രെദ്ധ എന്നിലേക്കായി. ഞാൻ കാരണത്തു കൈ വച്ച് നിന്നു പോയി.

“… എന്താ മോളെ പ്രശ്നം…” സൈഡിൽ ഇരുന്ന ഒരു മാമി ചോദിച്ചു.

“…കേറിയപ്പോ തൊട്ടു തുടങ്ങിയതാ പിന്നിൽ നിന്നും ഉന്താനും തള്ളാനും. വേണ്ട വേണ്ട എന്ന് വെച്ചപ്പോ ഇവൻ എന്നെ കേറി പിടിച്ചു വൃത്തികെട്ടവൻ 😡…” ദേഷ്യത്തിൽ അവൾ ഉറഞ്ഞു തുള്ളി