💞 ആരാധ്യ ടീച്ചർ [Nishinoya] [Onam Special] 1103

“…അത് വേണ്ട. ഈ കിളവിക്കും വയസ്സായി ഞാൻ നിങ്ങൾക്ക് ഒരു ബാധിതയാകും. എന്റെ മോൾ നീ നരകത്തിൽ നിന്നും രക്ഷപ്പെടണം എന്നെ എനിക്ക് ഉണ്ടായിരുന്നുള്ളു. ഇപ്പൊ അത് സംഭവിച്ചു. എനിക്ക് ഇനി സമാധാനമായി ഈ മണ്ണിൽ കിടന്ന് മരിക്കാം…” ആ കണ്ണിൽ എന്നോടുള്ള വിശ്വാസവും കരുതലും ഞാൻ കണ്ടു.

ഒരുപാട് നിർബന്ധിച്ചെങ്കിലും അമ്മ വരാൻ കൂട്ടാക്കിയില്ല. മുറ്റത്തേക്ക് ഇറങ്ങിയതും. കൈലിയും മടക്കി കുത്തി മുറക്കാൻ മുറ്റത്തേക്ക് നീട്ടി തുപ്പി എന്റെ അരികിലേക്ക് ഒരാൾ വന്നു.

“…ഇവളെയും കൊണ്ട് എങ്ങോട്ടാ…” മിസ്സിന്റെ കൈയിൽ പിടിച്ചിരുന്ന എന്റെ കൈയിലേക്കും എന്നെയും മാറി മാറി നോക്കി ചോദിച്ചു.

“…അത് ചോദിക്കാൻ നീ ആരാ…” മിസ്സ്‌ പേടിച് എന്റെ പിന്നിലേക്ക് ഒളിച്ചു.

“…ഇത് ഞാൻ കല്യാണം കഴിക്കാൻ പോവുന്ന പെണ്ണാ . വിടാടാ അവളുടെ കൈയിൽ നിന്നും…”

മിസ്സിനെ പിടിക്കാനായി എന്റെ അടുത്തേക്ക് വന്ന അവനെ ഞാൻ സർവശക്തിയും എടുത്ത് ചവുട്ടി എറിഞ്ഞു. എന്നിട്ട് മിസ്സിനെ തോളിൽ കൂടി കൈയിട്ടു എന്നോട് ചേർത്ത് നിർത്തി

“…ഇത് ഞാൻ താലി കെട്ടി എന്റെ കൂടെ പൊറുപ്പിക്കാൻ പോവുന്ന പെണ്ണാ. ഇവളുടെ ദേഹത്ത് നിന്റെ നിഴൽ എങ്കിലും പതിഞ്ഞാൽ ആ കാണുന്ന പുളിയൻ മാവിൽ നിനക്ക് ഞാൻ ഒരു ചിത ഒരുക്കും. പറയുന്നത് എൽവിനാ…” ടീച്ചറെയും കൂട്ടി ഞാൻ അവിടെന്ന് കാറിൽ കയറി എന്റെ വീട്ടിലേക്ക് പുറപ്പെട്ടു. കുറച്ചു ദൂരം പിന്നിട്ടിട്ടും ടീച്ചർ ഒന്നും മിണ്ടുന്നില്ല..