ആരതി കല്യാണം 3 [അഭിമന്യു] 1006

“”ആ ഉണ്ട്….!!””എന്ന് പറഞ്ഞു തീർന്നതും യദു ഒരുത്തനെ ചവിട്ടി വീഴ്ത്തിയതും ഒരുമിച്ചായിരുന്നു …!! സംഭവം ഞാനും ഇവന്റെ കൂടെ തല്ലാൻ വന്നതാണെകിലും പെട്ടന്ന് അവന്റെ ചവിട്ട് കണ്ട് ഒന്ന് നിന്നുപോയി….!! ഈശ്വര ഇവന് ഇത്രേം ധയ്ര്യോ….??? എന്റെ അതെ അവസ്ഥയായിരുന്നു ക്ലാസ്സിലുണ്ടായിരുന്ന ബാക്കി പേർക്കും… പലരും ആരാടാ ഇവൻ എന്ന രീതിയിൽ അവനെ നോക്കിയപ്പോ ആരതി മാത്രം എന്നെ തന്നെ നോക്കി ഞെട്ടിത്തരിച്ചു നിൽക്കുന്നു…!! ഇത് മതി ഇത് മാത്രം മതി…!!

പിന്നെ ഡയലോഗ് ഒന്നും ഉണ്ടായിരുന്നില്ല, ആദ്യത്തെ പകപ്പ് മാറിയ അവർ യദുവിന് നേരെ തല്ലാൻ വന്നതും ഞാൻ മുന്നിൽ കേറി ഒരുത്തന്റെ മൂക്കിനിട്ടൊരു കുത്ത് കൊടുത്തു… സിനിമയിലെ പോലെ അവരാരും ഒറ്റക് ഒറ്റക് അല്ലായിരുന്നു വന്നത്, അത്കൊണ്ട് തന്നെ മൂക്കിനിട്ടൊരു കുത്ത് കൊടുത്തതും അവരെല്ലാം കൂടി എന്നെ പൊതിഞ്ഞു… പെട്ടന്നാരോ വന്ന് അതിലൊരുത്തനെ പിടിച്ചു വലിച്ഛ് നെഞ്ചിൻകൂട് നോക്കിയൊരു ഇടിയായിരുന്നു… അവനെ കണ്ട ഞാൻ അറിയാതെ ഒന്ന് ചിരിച്ചുപോയി, ‘ഹരി’. അവന്റെ സൈഡിലായി വിച്ചു ഒരുത്തന്റെ മോന്തക്ക് തുരു തുര ഇടിക്കുന്നു… അവർ വന്നതും എന്റെ ആത്മവിശ്വാസം കൊടുമുടി കേറി…!! ചെയ്തോണ്ടിരിക്കുന്ന ജോലിയിൽ മുഴുവൻ ശ്രെദ്ധ പുലർത്തിയതിനാൽ ഇടക്ക് ആരതിയെ നോക്കാനും പറ്റിയില്ല…!!! പക്ഷെ അവള്ടെ നേരെ മുന്നിലിട്ട് ഒരുത്തനെ ഇടിക്കണം എന്ന് മുന്നേ തന്നെ തീരുമാനിച്ചിട്ടുള്ള കാരണം അത് നടത്താതെ പോയ മോശല്ലേ,

പിന്നേം ഒരുത്തന്റെ മുക്കിനിട്ട് ഒന്ന് കൊടുത്തതും ഞാൻ ആരതിയെ ഒന്ന് നോക്കി…!! അവളാണെങ്കി എന്നെ മാത്രേ നോക്കുന്നോള്ളൂ എന്ന് കണ്ടപ്പോ എന്റെ ഉള്ള് കൊടുംബിരി കൊണ്ടു , ഹായ് എന്തൊരു മനസുഖം…!! അപ്പോഴാണ് ആരതിടെ സൈഡിലായി ഒരുത്തൻ പേടിച്ഛ് നിൽക്കുന്നത് കണ്ടത്… പടച്ചോനെ ഇതവൾടെ ബെസ്റ്റി ആവണേ എന്ന് മനസ്സിൽ പ്രാർത്ഥിച്ഛ് അവനു നേരെ ചെന്നതും അടുത്തെത്തിയ ഞാൻ അവന്റെ താടിയെല്ല് നോക്കി ഒന്ന് കൊടുത്തതും ഒരുമിച്ചായിരുന്നു….!!! ഇതിനിടയിൽ ഞാനൊരു കാര്യം പറയാൻ മറന്നു…, ഞാനും വിച്ചൂവും എട്ടാം ക്ലാസ്സ്‌ തൊട്ട് ചെറുതായിട്ട് ബോക്സിങ് ഒക്കെ പഠിക്കാൻ പോയിട്ടുണ്ട്… അപ്പൊ അതിന്റെ ഒരു കുത്തികഴപ്പ് സ്വാഭാവികമായും എനിക്കുണ്ടാവോലോ, അതിന്റെ കൂടെ നാടൻ തല്ലിന്റെ എക്സ്പീരിയൻസും…!!

താടിക്ക് അടികൊണ്ട അവൻ പിന്നിലേക്ക് വീഴാൻ പോവുന്നതിനു മുൻപേ ഞാൻ അവന്റെ ഷർട്ടിൽ പിടുത്തമിട്ട് നേരെ ആരതിയുടെ മുമ്പിൽ നിർത്തി, എന്നിട്…!!