ആരതി കല്യാണം 7

Aarathi Kallyanam Part 7 | Author : Abhimanyu

[ Previous Part ] [ www.kkstories.com ]

നമസ്കാരം ❤️❤️❤️ ജോലി തിരക്കായത് കൊണ്ടാണ് കഥ വൈകുന്നത്…! ക്ഷെമിക്കണം…! എന്തായാലും ഞാനീ കഥ മുഴുവനാക്കും…! നിങ്ങളുടെ വിലയേറിയ അഭിപ്രായം അറിയിക്കണം…! അത് നല്ലതാണെങ്കിലും ചീത്തയാണെങ്കിലും…!

Anyways like ❤️ and comment 🙂🙂

പതിയെ കോളേജിൽ എല്ലാവരും എത്തി തുടങ്ങി…! ഞാൻ ആരതിക്കായി ഒരുക്കിയ പണി നല്ല രീതിയിൽ തന്നെ കേറി കൊളുത്തിട്ടുണ്ട്…! ഞാനീ പണികൊടുക്കുന്ന കാര്യം ഞങ്ങടെ കൂട്ടത്തിൽ വിച്ചൂവിനും യദുവിനും മാത്രേ അറിയൂ…! അതിൽ യദുവെനിക്ക് ഫുൾ സപ്പോർട്ടായി കൂടെനിന്നപ്പോ വിച്ചുവെന്നേ ഇതിൽ നിന്നും പിന്തിരിപ്പിക്കാനുള്ള തന്ത്രപാടിലായിരുന്നു…!

ഒരു ഗോൾഡൻ ഡിസൈനോട് കൂടിയ എമറാൾഡ് ഗ്രീൻ ചുരിദാറും അതിനോട് ചേരുന്ന ഷാളും നെറ്റിയോലൊരു ചന്ദനകുറിയും ഇട്ടോണ്ട് കോളേജിന്റെ നോട്ടീസ് ബോർഡിന് മുന്നിൽ കൂടി നിന്ന ആളുകളെ തള്ളി മാറ്റി കേറി വന്ന ആരതി കാണുന്നത് അന്ന് ഞാൻ അവള്ടെ അമ്മേടെ ഫോണിൽ നിന്നും ചാമ്പിയ ഫോട്ടോസായിരുന്നു…! ഇതിലും കൂടുതൽ എവടന്നേലും കിട്ടോന്ന് അറിയാൻ വേണ്ടി ഞാനവളുടെ എഫ് ബി അക്കൗണ്ട് ചെകഞ്ഞു നോക്കിയെങ്കിലും അവളതൊക്കെ പണ്ടേക്ക് പണ്ടേ ഡിലീറ്റ് ആക്കിയിരുന്നു…! അത് കണ്ട ആരതി ഞെട്ടി തരിച്ച് നിന്നുപോയി…!

നോട്ടീസ് ബോർഡിൽ നിറഞ്ഞു നിന്ന അവളുടെ മൂഞ്ചിയ ഫോട്ടോസ് കണ്ട് എല്ലാവരും അവളെ നോക്കി കളിയാക്കി ചിരിക്കുന്നുണ്ടായിരുന്നു…! ചിലർ അതിലെഴുതിയ ഡയലോഗ് കൂടി വിളിച്ചുപറഞ്ഞതോടെ അവള്ടെ കണ്ണുനിറയാൻ തുടങ്ങി…! കോളേജിലെ റാണിയായി വിലസിയിരുന്ന ആരതിക്ക് അതൊരു അടിയായിരുന്നു…! ചുറ്റിലും നിന്ന് ഉയർന്ന കളിയാക്കലും കുക്കിവിളിയും സഹിക്കാൻ പറ്റാതെ വായും പൊത്തി തിരിച്ച് നടക്കാൻ നിന്ന അരതീടെ മുന്നിലേക്ക് ഞാനൊരു വിലങ്ങു തടിയായി കേറി നിന്നു…!

“” ആ ഇതാര്, ഡാഡിസ് പ്രിൻസസ്സോ…? ആരു ചേച്ചി സൺ കിസ്സ് വാങ്ങാൻ ഇറങ്ങിതാണോ രാവിലെ തന്നെ…? “” എവ്ടെന്നോ കിട്ടിയ കൂളിംഗ് ഗ്ലാസും വച്ച് ഒരു നെടുനീളൻ ചിരിയും പാസ്സാക്കി ഞാനവളോട് ചോദിച്ചതും അവളെന്നെയൊന്ന് തുറിച്ചു നോക്കി കടന്നുപോവാൻ ശ്രേമിച്ചു…! പക്ഷെ ഞാനുണ്ടോ വിടുന്നു…! ഞാനവൾടെ മുന്നിലേക്ക് ഒന്നുകൂടി കേറി നിന്നു…! ആ വായിൽ നിന്ന് മുത്തൊന്നും കൊഴിയുന്നില്ലാന്ന് കണ്ട ഞാൻ വീണ്ടും തുടർന്നു,

“” എന്നാലും ന്റെ ആരതി, നീയീ എഡിറ്റിങ്ങൊക്കേ എവടന്ന് പഠിച്ചു…? ഹോ…! ഭീകരം…! എന്നാലും ആ മൂലെലിരിക്കണ ഫോട്ടോലെ കണ്ണാട, അത് നിന്റെയാണോ അതോ നിന്റച്ഛൻ രാജീവന്റെയോ…? എന്തായാലും കൊള്ളാം, ഒർജിനലാന്ന് പറയെ ഇല്ല്യ അത്രക്ക് ആർട്ടിഫിഷ്യലായിട്ട്ണ്ട്…! “” ന്ന് നോട്ടീസ് ബോർഡിന്റെ ബോട്ടം റൈറ്റിലേക്ക് ചൂണ്ടി ഞാൻ പറഞ്ഞതിന് ശേഷം യദുവിനെ നോക്കി മുഖംകൊണ്ട് ചിരിക്കാൻ ആംഗ്യ ഭാഷയിൽ കാണിച്ചതും അവൻ തല തല്ലി ചിരിക്കാൻ തുടങ്ങി…! അവന്റെ ചിരി കണ്ടിട്ടോ അതോ ആരതിയെ കളിയാക്കണത് കണ്ടിട്ടാണോന്ന് അറിയില്ല, കൂടി നിന്നവരും ഒറക്കെ ചിരിക്കാൻ തുടങ്ങിയതും ആരതിടെ കരച്ചിലിന്റെ ശക്തി കൂടി…! ഹരിയും അജയ്യുമൊക്കെ ഒന്നും മനസിലാവാതെ ഞങ്ങളെ നോക്കുന്നുണ്ട്…!