ആരതി 14 [സാത്താൻ] 200

ആ ഭയത്തെ മറച്ചു വെക്കാതെ തന്നെ അവൻ അവളോട് ചോദിക്കാൻ തുടങ്ങി.

 

 

 

” പൊന്നു എന്താ എന്താ പ്രശ്നം.?? എന്തിനാ നീ കരയുന്നെ? ”

 

 

 

“അജു… ഇവിടെ…. ഇവിടെ ആരൊക്കെയോ വന്നിട്ടുണ്ട്. നമ്മുടെ വീട്…. ആ………..”

 

 

 

ഒരു അലർച്ചയോടു കൂടെ ഫോൺ കട്ട്‌ ആയി കഴിഞ്ഞിരുന്നു അപ്പോഴേക്കും.

 

 

 

“ഹലോ….. പൊന്നു….. ഹലോ…..”

 

 

 

എന്താണ് സംഭവിച്ചതെന്ന് അറിയാതെ തന്റെ ഉള്ളിൽ നിറയുന്ന ഭയത്തിന്റെ ശക്തികൊണ്ടാവണം അവന്റെ കാലുകൾ വണ്ടിയുടെ ആക്‌സിലേറ്ററിൽ അമർന്നത്.

അർജുന്റെ ഭയവും തിടുക്കവും കണ്ടിട്ട് എന്താ കാര്യമെന്ന് മനസ്സിലാകാതെ ആരതി അവനോടായി ചോദിച്ചു.

 

 

 

ആരതി : അജു എന്തുപറ്റി എന്തേലും പ്രശ്നമുണ്ടോ?

 

 

 

അർജുൻ : ആതി അവിടെ വീട്ടിൽ എന്തോ സംഭവിച്ചിട്ടുണ്ട്. സൂസൻ ആണ് വിളിച്ചത് അവൾ നല്ലതുപോലെ ഭയപ്പെട്ടതുപോലെ. തിരിച്ചു വിളിച്ചിട്ട് ഒട്ട് കിട്ടുന്നതുമില്ല.

 

 

 

താൻ ഫോണിൽ കേട്ടത് മുഴുവനും പറഞ്ഞില്ല എങ്കിലും അവൻ അവളെ ഏകദേശം കാര്യങ്ങൾ ധരിപ്പിച്ചിരുന്നു.

 

 

 

ആരതി : നീ ടെൻഷൻ ആവണ്ട കുഴപ്പമൊന്നും സംഭവിക്കില്ല. നീ വണ്ടി വേഗം വീട്ടിലേക്ക് വിട്.

 

 

 

അവളുടെ ഉള്ളിലും ഭയം നിഴലിക്കുന്നുണ്ടായിരുന്നു എങ്കിലും അത് പുറമെ കാണിക്കാതെ തന്നെ അവൾ അവനോടായി പറഞ്ഞു.

 

 

 

വീട്ടിലേക്ക് വണ്ടി പായിക്കുന്നതിനിടയിൽ തന്നെ അവൻ സൂസനെ പലതവണ വിളിച്ചു നോക്കിയിരുന്നു എങ്കിലും ഫോൺ കണക്ട് ആവുന്നുണ്ടായിരുന്നില്ല. അത് അവന്റെ ഭയത്തെ ഒന്നുകൂടി കൂട്ടി.