ആത്മസഖി [ജിബ്രീൽ] 592

“നീ തൽക്കാലം ഉള്ള രസം വെച്ച് അഡ്ജസ്റ്റ് ചെയ്യ് ”

“ഡീ……ഇങ്ങ് പോരാൻ നോക്ക് ക്ലാസ് കണ്ടും പിടിക്കണം ”പിന്നേം അവിടെ മുട്ടി തിരിഞ്ഞ് നിൽക്കുന്നവളുടെ കൈ പിടിച്ചു കൊണ്ടവൻ പോയി

“സലൂ…….” കോളേജിന്റെ വരാന്തയിലൂടെ ക്ലാസ് നോക്കി നടക്കുന്ന അവരെയാരോ പുറകിൽ നിന്ന് വിളിച്ചു

മിന്നുവും സലുവും തിരിഞ്ഞു നോക്കിയപ്പോൾ കണ്ടത്. ഏതോ ഒരു മൊഞ്ചത്തി പെൺകുട്ടിയുടെ കൈ പിടിച്ചു കൊണ്ട് അവരുടെ അടുത്തേക്ക് വരുന്ന അവരുടെ കൂട്ടുകാരൻ റാഷിദിനെയാണ്

“ഹന്ന …….. എന്റെ ബെസ്റ്റ് ഫ്രണ്ട്സാണ് ഇത് ,സലു പിന്നെ ഇവള് ഇവന്റെ പെങ്ങൾ മിന്നു ” റാഷിദവരെ ആ പെൺകുട്ടിക്ക് പരിജയപെടുത്തി കൊടുത്തു

“പെങ്ങളല്ല …. കസിൻ ” അടുത്ത നിമിഷം തന്നെ മിന്നു അവനെ തിരുത്തി

“ രണ്ടും ഒന്നു തന്നെ ….., പിന്നെ മക്കളേ ഇതാണെന്റെ ഗേൾഫ്രണ്ട് ഹന്ന” അവൻ ഒരു പുഞ്ചിരിയോടെ ഹന്നയെ ചൂണ്ടി

“ നിന്റെ പഴയ കാമുകിയുല്ലേ അപ്പോ നിന്നെ തെരെഞ്ഞ് ഗേറ്റിന്റെ അവിടെ നിക്കുന്നത് …. ?” മിന്നു അവളുടെ സ്വരത്തിൽ ആശ്ചര്യം നിറച്ചു

“ആര് …… ആമിനയോ ” റാഷിദിന്റെ മുഖത്ത് വെപ്രാളം

മിന്നു അല്ലായെന്ന് തലയാട്ടി

“പിന്നെ ശ്രുതി ……”

“ഫായില……, നുസൈറ ……, ആരതി ……”

അവൻ പറയുന്ന ഒരോ പേരും തലയാട്ടി മിന്നു നിഷേദിക്കുന്നത് കണ്ടവൻ സലുവിനെ നോക്കി, അവന്റെ മുഖത്തെ ചിരി കണ്ടപ്പോഴാണ് അവനമളി മനസ്സിലായത്

പതിയെ തല തിരിച്ച് ഹന്നെയെ നോക്കിയതും അവന്റെ കൈ ദേശ്യത്തോടെ കുടഞ്ഞെറിഞ്ഞവൾ ഓടി പോയി

അത് കണ്ടതും സലുവും മിന്നുവും പരസ്പരം നോക്കി പൊട്ടി ചിരിച്ചു