ആത്മസഖി 2 [ജിബ്രീൽ] 321

അവളുടെ തലക്കൊരു മേട്ടം കൊടുത്തു സലു മുന്നോട്ട് പോയി

&&&&&&&&&&&&&&&&&&&&&&&&&&&&&

സലുവും മിന്നുവും രാവിലെ സലുവിന്റെ വീട്ടിലിരുന്ന് ബ്രേക്ക് ഫാസ്റ്റ് കഴിച്ചു കൊണ്ടിരിക്കുകയാണ്

അപ്പോഴാണ് മിന്നുന്റെ ഉമ്മ മറിയം അങ്ങോട്ട് കടന്നു വന്നത്

“നിന്നോട് ഞാൻ ലഞ്ച് എടുത്ത് പോവാൻ പറഞ്ഞതല്ലേ ……” മറിയം വന്ന ഉടനെ ചൂടായി

“എന്താ മറിയേ ……” മറിയത്തിന്റെ അലറൽ കേട്ട് ചട്ടകവുമായി അടുക്കളയിൽ നിന്ന് പുറത്തേക്കു വന്ന സൈനബ ചോദിച്ചു

“ന്റെ ഇത്താ …… ഇവള് ഞാൻ എന്തു പറഞ്ഞാലും കേൾക്കില്ല ഇന്നലെ ഇവൾക്ക് വയറു വേദനയായിരുന്നില്ലേ …… അതുകൊണ്ട് ഞാനിന്നു ഉച്ചക്ക് കാന്റീൻ നിന്ന് കഴിക്കണ്ടാന്ന് പറഞിട്ട് ഇവൾക്ക് ഭക്ഷണം പൊതിഞ കൊടുത്തു ഇവളത് എടുക്കാതെ പോയേക്കുന്നു …..” മറിയം അവളുടെ പരാതിയുടെ കെട്ടഴിച്ച് മിന്നുവിനെ നോക്കി

അവളാണെങ്കി പ്ലേറ്റിൽ നിന്നും തല ഉയർത്തുന്നേ ഇല്ല

“ഞാനിത്ര പറഞ്ഞിട്ടും അവൾക്ക് വല്ല കൂസലുമുണ്ടോന്ന് നോക്കിയേ ഇത്താ…” മറിയ സംങ്കടത്തോടെ പറഞ്ഞു

“നീയൊന്ന് സമാദാനപെട് മറിയാ ……” സൈനബ അവളെ സമാദാനിപ്പിച്ച് അവളെ അടുത്തുള്ള ഒരു ചെയറിൽ ഇരുത്തി

ഭക്ഷണം കഴിപ്പ് പാതിയിൽ നിർത്തി സലുവും അവളുടെ അടുത്ത് വന്നിരുന്നു

“മാമി …….”

“അവൾക്കു വേണ്ടി വക്കാലത്തു പറയാനാണങ്കി സലു, നീ വാ തുറക്കണ്ട ” എന്തോ പറയാൻ നിന്ന സലുവിനെ അവൾ തടഞ്ഞു