ആത്മസഖി 2 [ജിബ്രീൽ] 321

അവന്റെ മനസ്സ് മുഴുവൻ പ്രക്ഷുബ്ധമാണ്. അവന്റെ ചിന്തകൾക്ക് വിരാമമിട്ട് അവന്റെ ഫോൺ ശബ്ദിച്ചു

ഫോൺ സ്ക്രീനിലെ മിന്നു എന്ന പേര് കണ്ടപ്പോ അവന് ഒരാശ്വസമായി

“ഹലോ ……. ഡാ ”

“ഹലോ ……”

“എന്താ നിന്റെ ശബ്ദത്തിന് ഒരു മാറ്റം…..”അവൻ്റെ സ്വരത്തിലെ വ്യത്യാസം തിരിച്ചറിഞ്ഞ അവളാവലാതിയോടെ ചോദിച്ചു

“ഒന്നുല്ലടീ…….”

“അതിലന്നേ എന്തോ ഉണ്ടല്ലോ…….”അവൾ പറഞ്ഞു

അവളോടവൻ എല്ലാം പറഞ്ഞു

“ഇതിലെന്താ….. ഇത്ര ടെൻഷനടിക്കാൻ നീ ഒന്നും ചെയ്തിട്ടില്ലല്ലോ….”അവൾ ചോദിച്ചു

“എനിക്കറിയില്ല……മിന്നു, എന്റെ മനസ്സിലാകെ കരഞ് നിൽക്കുന്ന സനയുടെ മുഖമാണ്” അവനസ്വസ്തനായി

“ഡു യു ലവ് ഹെർ…….”മിന്നുവിൻ്റെ ചോദ്യം

“അറിയില്ല ……പക്ഷേ അറിഞ്ഞോ അറിയാതെയോ ഞാനവളെ ചതിച്ച പോലെ തോനുന്നു…..”സലു ഒന്ന് നിർത്തി

“ഇനി ഞാൻ എന്താ ചെയ്യേണ്ടത്…..എന്താ നിന്റെ അഭിപ്രായം ”സലു പ്രതീക്ഷയോടെ ചോദിച്ചു

“ഹലോ…… ഹലോ………മിന്നു……” അൽപ സമയം കഴിഞ്ഞിട്ടും മിന്നു മറുപടി പറയാത്തതു കൊണ്ട് തന്നെ അവളെ വിളിച്ചു

മറുപടിയായി മിന്നു ഒന്ന് മൂളി

“ഞാനെന്താ ഇനി ചെയ്യാ ……” അവൻ ചോദ്യം ആവർത്തിച്ചു

“നിന്റെ മനസ്സില് എന്താ നിനക്ക് തോന്നുന്നത് അത് ചെയ്യ് സലു. ഈ കാര്യങ്ങളൊക്കെ നമ്മൾ സ്വയം തീരുമാനമെടുക്കണം” ശാന്തമായി മറുപടി പറഞ്ഞ് മിന്നു ഫോൺ കട്ടാക്കി

സലു കുറച്ചു സമയം കൂടി അസ്വസ്ഥനായി അങ്ങോട്ടും ഇങ്ങോട്ടും നടന്നു അവസാനം അവനൊരു തീരുമാനത്തിലെത്തി, അതവനവന്റെ മനസ്സിലിട്ട് ഒന്നും കൂടി ഉറപ്പിച്ച് വീട്ടിലേക്ക് പോയി