💞ആയിരം കണ്ണുമായി 1 [Fang leng] 350

 

ലക്ഷ്മി : എങ്ങോട്ടാ

 

ശ്രുതി : ഞാൻ വേറെ ബെഞ്ചിൽ ഇരുന്നോളാം നിനക്ക് ഞാൻ ഒരു ബുദ്ധിമുട്ടാണെന്ന് മനസ്സിലായി

 

ഇത്രയും പറഞ്ഞു ശ്രുതി രണ്ടാമത്തെ ബെഞ്ചിൽ കയറി ഇരുന്നു

 

************************

 

അന്ന് വൈകുന്നേരം കോളേജിന് ശേഷം ശ്രുതി തന്റെ വീടിനു മുന്നിൽ അത് ഒരു ബീച്ചിനടുത്ത്‌ സ്ഥിതിചെയ്യുന്ന ചെറിയൊരു ഷീറ്റിട്ട വീടായിരുന്നു  ശ്രുതി പതിയെ വാതിൽ തുറന്ന് വീട്ടിലേക്ക് കയറി

 

ശ്രുതി : അച്ഛാ… എന്താ ഈ കാണിക്കുന്നെ വയ്യാത്തതല്ലേ അവിടെ കിടക്ക്

 

ശ്രുതി വേഗം കട്ടിലിൽ എഴുനേറ്റിരുന്ന തന്റെ അച്ഛനെ തിരികെ കിടത്തി അയാൾ അല്പം വയസ്സായ ഒരു വെക്തിയായിരുന്നു

 

“എനിക്ക് കുഴപ്പമൊന്നുമില്ല ശ്രുതി.. ബീച്ചിൽ ആളുകൾ വന്നു തുടങ്ങിയിട്ടുണ്ടാകും കച്ചവടത്തിന് പോകണ്ടേ ”

 

ശ്രുതി : ഞാൻ പൊക്കോളാം അച്ഛൻ കിടന്നോ

 

“നിനക്ക് പഠിക്കാനോക്കെ ഉള്ളതല്ലേ മോളെ ”

 

ശ്രുതി : അച്ഛനോട് ദേഹം അനക്കരുത് എന്നല്ലേ ഡോക്ടർ പറഞ്ഞിറ്റുള്ളെ  ഇനി ഞാൻ കച്ചവടം നടത്തികൊള്ളാം എനിക്ക് അറിയാത്ത പണി ഒന്നും അല്ലല്ലോ മുൻപും ഞാൻ ചെയ്തിട്ടില്ലേ…

 

“അതല്ല ശ്രുതി”

 

ശ്രുതി : ഒന്നും പറയണ്ട… അല്ല അച്ഛൻ കഴിച്ചായിരുന്നോ

 

“ഉം കഴിച്ചു ”

 

ശ്രുതി : എന്നാൽ ഞാൻ കഴിക്കട്ടെ വിശന്നിട്ടു വയ്യ

 

************************

 

അന്നേ ദിവസം 6 മണി

 

റോണി : ഹലോ അഖിലളിയാ എവിടെയാ

 

അഖിൽ : ഞാൻ ഇങ്ങനെ ചെറിയൊരു റൈഡിന് ഇറങ്ങിയതാ ഇപ്പോൾ ദാ ഇവിടെ ബീച്ചിന്റെ അടുത്തുണ്ട് ഇവിടെയാകുമ്പോൾ കാറ്റും കൊള്ളാം നല്ല ഐറ്റങ്ങളെ കാണുകയും ചെയ്യാം