💞ആയിരം കണ്ണുമായി 1 [Fang leng] 350

ഷാജി : എന്നിട്ട് ശല്യം ഒഴിവായോ…ദേ അഖിലെ ഞാൻ ഒരു കാര്യം വ്യക്തമായി തന്നെ പറയാം എനിക്ക് നിന്റെ പുറകെ ഇങ്ങനെ നടക്കാൻ പറ്റില്ല ഇന്ന് അവസാനത്തേത് ആയിരുന്നു ഇനി നീ ഉണ്ടാക്കുന്ന ഒരു പ്രശ്നത്തിനും വക്കാലത്ത്‌ പറയാൻ ഞാൻ ഉണ്ടാകില്ല… നിന്നെ കൊണ്ട് അടങ്ങി ജീവിക്കാൻ പറ്റില്ലെങ്കിൽ നിന്റെ അമ്മയെ പോലെ ഒഴിവായിയെങ്കിലും തരണം…

ഇത് കേട്ട അഖിലിന്റെ കണ്ണുകൾ കോപം കൊണ്ട് കത്തി

അഖിൽ : അങ്ങനെ ഒഴിവാകാൻ മനസ്സില്ല എനിക്ക് കിട്ടാനുള്ളതൊക്കെ കിട്ടണം എങ്കിൽ ഞാൻ ഒഴിവായികൊള്ളാം

ഷാജി : ശെരി നിന്റെ ഷെയർ ഉടൻ തന്നെ തന്നേക്കാം അതാ എനിക്കും നല്ലത്… ഒരു കോളേജിൽ അഡ്മിഷനും വാങ്ങി തരാം ഈ വീടും എടുത്തൊ ഇതൊക്കെയായിരിക്കും ഞാൻ നിനക്ക് വേണ്ടി ചെയ്യുന്ന അവസാന കാര്യങ്ങൾ അതോടു കൂടി നമ്മൾ തമ്മിലുള്ള എല്ലാ ബന്ധവും അവസാനിക്കും… ഇതിനു ശേഷം അച്ഛനെന്നോ മറ്റോ പറഞ്ഞുകൊണ്ട് എന്റെ അടുത്തേക്ക് വന്നേക്കരുത്

അഖിൽ : വരുന്നില്ല പോരെ… നിങ്ങളെ എനിക്കും വേണ്ട ആരെയും വേണ്ട

ഷാജി : എന്നാൽ ശെരി ഞാൻ ഇറങ്ങുവാ എന്റെ അഡ്വക്കേറ്റ് എല്ലാം ശെരിയാക്കും… കൈ ശെരിയാകാൻ ഒരു മാസം പിടിക്കുമെന്നാ ഡോക്ടർ പറഞ്ഞത് അതിന് ശേഷം അഡ്മിഷന്റെ കാര്യം നോക്കാം

ഇത്രയും പറഞ്ഞു ഷാജി വീടിനും പുറത്തേക്ക് പോയി ഇത് കണ്ട അഖിൽ വാതിൽ വലിച്ചടച്ച ശേഷം ഷെൽഫിൽ നിന്ന് ഒരു കുപ്പികയ്യിലേക്ക് എടുത്ത് കുടിക്കാൻ തുടങ്ങി…

“മൈര്… അയാൾക്ക് എന്നെ ഒഴിവാക്കണം പോലും…”