💞ആയിരം കണ്ണുമായി 1 [Fang leng] 350

ഇത്രയും പറഞ്ഞു അഖിൽ കുപ്പി നിലത്തെറിഞ്ഞു ഉടച്ചു ശേഷം തന്റെ റൂമിലേക്ക് കയറി ബെഡിൽ ഇരുന്നു അല്പനേരം ശാന്തനായി ഇരുന്ന ശേഷം അഖിലിന്റെ കണ്ണുകൾ ടേബിളിന് പുറത്തിരിക്കുന്ന ചെറിയൊരു ടേപ്പ് റെക്കോർഡറിലേക്ക് പോയി അഖിൽ പതിയെ അത് കയ്യിലേക്ക് എടുത്തു ശേഷം തന്റെ ബെഡിനടിയിൽ കൈ കയറ്റി എന്തോ തപ്പി അല്പസമയത്തിനുള്ളിൽ ബെഡിനടിൽ നിന്നും അഖിൽ ഒരു കാസറ്റ് കയ്യിലേക്ക് എടുത്തു ശേഷം അത് റെക്കോർഡറിലേക്ക് ഇട്ട് ഓൺ ചെയ്‌തു

“അഖിലെ…. അഖില് കുട്ടാ… അമ്മേടെ മുത്ത് എന്താ വിഷമിച്ചിരിക്കുന്നെ… മോന് അമ്മ പാട്ട് പാടി തരട്ടെ പാട്ട് കേട്ട് വേഗം ഉറങ്ങുമോ…

🎶 മഞ്ഞു വീണതറിഞ്ഞില്ല വെയിൽ വന്നു പോയതറിഞ്ഞില്ല ഓമനെ നീ വരും നാളും എണ്ണി ഇരുന്നു ഞാൻ.. വന്നു നീ വന്നു വന്നു നീ നിന്നു എന്റെ ജന്മ സഭല്യമേ… വന്നു നീ വന്നു വന്നു നീ നിന്നു എന്റെ ജന്മ സാഭ്യല്യമേ… ആയിരം കണ്ണുമായി കാത്തിരുന്നു നിന്നെ ഞാൻ എന്നിൽ നിന്നും പറന്നാകന്നൊരു പൈങ്കിളി മലർ തേൻ കിളി 🎶🎶 ”

അഖിലിന്റെ കണ്ണുകൾ പതിയെ നിറഞ്ഞൊഴുകി അടുത്ത നിമിഷം അഖിൽ റെക്കോർഡർ ചുമരിൽ എറിഞ്ഞു പൊട്ടിച്ചു

“ആാാ.”

ശേഷം ഉച്ചത്തിൽ അലറി

ഒരു മാസത്തിന് ശേഷം

“പറഞ്ഞതുക മുഴുവൻ അദ്ദേഹം അക്കൗണ്ടിലേക്ക് ട്രാൻസ്ഫർ ചെയ്തിട്ടുണ്ട് പിന്നെ ഇത് ഈ വീടിന്റെ ഡോക്യുമെന്റ്സ്.. പിന്നെ ഇത് കോളേജ് അഡ്മിഷന്റെ പേപ്പറുകൾ ഇവിടെ അടുത്ത് തന്നെയാ അഡ്മിഷൻ കിട്ടാൻ വല്ലാതെ ബുദ്ധിമുട്ടി പിന്നെ മോന്റെ അച്ഛൻ നാളെ ഫാമിലിയുമായി വിദേശത്തേക്ക് പോകും…”