💞ആയിരം കണ്ണുമായി 2 [Fang leng] 762

 

അഖിൽ : കോപ്പ് ബാഗിൽ ഒന്നുമില്ല ഇനി അവളുടെ വായിലിരിക്കുന്നത് കേൾക്കണമല്ലോ

 

റോണി : ചിലപ്പോൾ അവൾ രണ്ടെണ്ണമേ തന്നുകാണുള്ളൂ ബുക്ക്‌ അവളുടെ കയ്യിൽ തന്നെ കാണും

 

അഖിൽ : അങ്ങനെയായിരിക്കും അല്ലാതെ എന്റെ കയ്യിൽ നിന്നും ബുക്ക്‌ പോകാൻ ഒരു സാധ്യതയുമില്ല

 

അപ്പോഴേക്കും ശ്രുതി  തന്റെ സീറ്റിൽ നിന്നും എഴുനേറ്റു

 

അഖിൽ : ടാ ഞാൻ പുറത്ത് പോകുവാ ക്ലാസ്സ്‌ തുടങ്ങുമ്പോൾ വരാം ഇവിടെ നിന്നാൽ ശെരിയാകില്ല

 

ഇത്രയും പറഞ്ഞു അഖിൽ സീറ്റിൽ നിന്നും എഴുനേറ്റ് മുന്നോട്ട് നടന്നു  പെട്ടെന്ന് ശ്രുതി അവന്റെ മുന്നിൽ എത്തി

 

ശ്രുതി : അടുത്ത പിരിയിട് ഇംഗ്ലീഷാ നോട്ട് താ

 

അഖിൽ : നീ നിന്റെ ബാഗിൽ ഒന്ന് കൂടി നോക്ക് എന്റെ കയ്യിൽ ബുക്ക്‌ കാണുന്നില്ല നീ എനിക്ക് രണ്ടെണ്ണമേ തന്നുള്ളൂ എന്ന് തോന്നുന്നു

 

ശ്രുതി : ദേ… എന്റെ സ്വഭാവം മാറ്റരുത് 3 നോട്ട്സ് എണ്ണി തന്നതാ.. കളിക്കാതെ എന്റെ ബുക്ക്‌ എടുക്ക് എനിക്ക് എഴുതേണ്ടതാ

 

അഖിൽ : എന്റെ ബാഗിൽ കാണുന്നില്ല… വേറെ ഒരിടത്തും പോകാൻ സാധ്യതയില്ല

 

ശ്രുതി : നിന്റെ വീട്ടിൽ കാണും പോയി നോക്ക്

 

അഖിൽ : അവിടെ ഒന്നും ഇല്ല ഞാൻ ഇന്നലെ ബുക്ക്‌ പുറത്തെടുത്തിട്ടില്ല

 

ശ്രുതി : എടുത്തില്ലേ… പിന്നെ എന്തിനാ എന്റെ കയ്യിൽ നിന്ന് ബുക്ക്‌ വാങ്ങിയെ… ഇതൊന്നും എനിക്ക് അറിയണ്ട എന്റെ ബുക്ക്‌ എനിക്കിപ്പോൾ കിട്ടണം

 

അഖിൽ : നീയൊന്ന് പയ്യെ സംസാരിക്ക് എനിക്ക് ദേഷ്യം വരുന്നുണ്ട്