💞ആയിരം കണ്ണുമായി 2 [Fang leng] 762

ശ്രുതി തന്റെ വാക്കിങ് സ്റ്റിക്ക് എവിടെയെന്നറിയാതെ ചുറ്റും നോക്കി..

ലക്ഷ്മി വേഗം തന്നെ അല്പം മാറി കിടന്ന സ്റ്റിക്ക് എടുത്ത് ശ്രുതിയുടെ കയ്യിലേക്ക് നൽകി അത് ചെറുതായി ഒടിഞ്ഞിരുന്നു ശ്രുതിയുടെ കണ്ണുകൾ പതിയെ നിറഞ്ഞു…

ശ്രുതി : ലക്ഷ്മി എന്നെ ഓഫീസ് റൂം വരെ ഒന്നു കൊണ്ടുപോകുമോ…

ലക്ഷ്മി : ആദ്യം നീ എഴുനേൽക്ക്… വാ ഞാൻ പിടിക്കാം

ലക്ഷ്മി പതിയെ ശ്രുതിയെ ബെഞ്ചിലേക്ക് ഇരുത്തി

ലക്ഷ്മി : ഇതാ ഈ വെള്ളം കുടിക്ക്

ശ്രുതി : വേണ്ട വാ നമുക്ക് ഓഫിസിൽ പോകാം

ലക്ഷ്മി : എന്തിനാ

ശ്രുതി : അവൻ ചെയ്തത് നീയും കണ്ടതല്ലേ… എനിക്ക് കംപ്ലയിന്റ് കൊടുക്കണം

ലക്ഷ്മി : നിനക്ക് എന്താ ശ്രുതി ഇത്രയൊന്നും ഉണ്ടായത് പോരെ… നീ കംപ്ലയിന്റ് കൊടുത്താൽ ഉടനെ അവനെ ഇവിടുന്ന് പുറത്താക്കും എന്ന് നിനക്ക് തോന്നുണ്ടോ

ശ്രുതി : ആക്കിയില്ലെങ്കിൽ ഞാൻ പോലീസിൽ കംപ്ലയിന്റ് ചെയ്യും…സ്റ്റിക്ക് ഒടിഞ്ഞത്കൊണ്ടാ നിന്നോട് ഒന്നു കൊണ്ടുപോകാൻ പറഞ്ഞെ നിനക്ക് പറ്റില്ലെങ്കിൽ സാരമില്ല ഞാൻ പൊക്കോളാം അല്പം വൈകും എന്നല്ലേ ഉള്ളു സാരമില്ല

ലക്ഷ്മി : അവിടെ ഇരിക്ക്‌ ശ്രുതി… പോലീസ് മണ്ണാങ്കട്ട അവരൊക്കെ കാശുള്ളവരുടെ കൂടെ നിക്കു വയ്യാത്ത അച്ഛനെയും കൊണ്ട് പോലീസ് സ്റ്റേഷനും മറ്റും കയറി ഇറങ്ങാനാണോ നിന്റെ ഉദ്ദേശം ഇനിയിപ്പോൾ അവനെതിരെ എന്തെങ്കിലും നടപടി ഉണ്ടായാൽ അതും മനസ്സിൽ വച്ച് അവൻ വീണ്ടും ഉപദ്രവിക്കും ഇപ്പോൾ തന്നെ കണ്ടില്ലേ.. അല്പം മനസാക്ഷി ഉണ്ടായിരുന്നെങ്കിൽ അവൻ നിന്നെ തള്ളിയിടുവായിരുന്നോ അങ്ങനെയുള്ളവൻ എന്തിനും മടിക്കില്ല…