💞ആയിരം കണ്ണുമായി 2 [Fang leng] 762

ലക്ഷ്മി : നീ ഇത് നോക്കിയെ… നല്ല കയ്യക്ഷരം അല്ലേ…

ശ്രുതി പതിയെ ബുക്കിലേക്ക് നോക്കി

ശ്രുതി : ഉം കുഴപ്പമില്ല…

ലക്ഷ്മി : അങ്ങനെ കുഴപ്പമില്ലയിൽ ഒതുക്കണ്ട ഒരു ദിവസം കൊണ്ട് ഇത്രയും നന്നായി എഴുതണം എങ്കിൽ അവൻ നന്നായി കഷ്ടപെട്ടിട്ടുണ്ട്

ശ്രുതി : ഞാൻ കംപ്ലയിന്റ് ചെയ്യുമോ എന്ന് പേടിച്ചിട്ടാ ഇവിടുന്നു കൂടി പുറത്താക്കിയാൽ അവനെ വേറെ ഒരിടത്തും എടുക്കില്ല അതുകൊണ്ടാ ബുക്കും കൊണ്ട് വന്നെ പിന്നെ മണ്ടമ്മാർക്കാ നല്ല കയ്യക്ഷരം എന്ന് ഞാൻ കേട്ടിട്ടുണ്ട്

ലക്ഷ്മി : ഞാൻ ഒന്നും പറഞ്ഞില്ല ശ്രുതി…

ഇതേ സമയം ബാക്ക് ബെഞ്ചിൽ

രോഹിത്ത് : നീ എന്താ അഖിലെ അവൾക്ക് കൊണ്ടുപോയി കൊടുത്തെ

അഖിൽ : ഇംഗ്ലീഷ് നോട്ടാ

റോണി : അത്… കിട്ടിയോ

അഖിൽ : എവിടുന്ന്.. ഞാൻ രാത്രി കുത്തിയിരുന്ന് എഴുതി

അജ്മൽ : അതിന്റെ ആവശ്യം ഒന്നും ഇല്ലായിരുന്നു അവൾ ഒരു കോപ്പും ചെയ്യാൻ പോകുന്നില്ല

അഖിൽ : അവളെ പേടിച്ചിട്ടൊന്നുമല്ല ഒന്ന് നന്നായാലോ എന്നൊരു തോന്നൽ… ഈ തോന്നൽ ഇടയ്ക്കിടെ ഉണ്ടാകുന്നതാ പക്ഷെ നടക്കില്ല കുറച്ച് കഴിയുമ്പോൾ കയ്യിൽ നിന്നും പോകും…പ്രശ്നം ഒന്നും വേണ്ട എന്ന് കരുതിയിരിക്കുമ്പോൾ എന്തിലെങ്കിലും പോയി ചാടും…ഇത് 3 ആമത്തെ കോളേജാ ഇവിടെ യെങ്കിലും ഡിഗ്രി കംപ്ലീറ്റ് ചെയ്യാൻ പറ്റുമോ എന്ന് നോക്കട്ടെ…കുറച്ച് നാളായി ജീവിതം നല്ല മടുപ്പാ… ചിലപ്പോൾ എനിക്ക് എന്നോട് തന്നെ വെറുപ്പ് തോന്നും

അരുൺ : എന്തൊക്കെയാ അളിയാ ഈ പറയുന്നെ വല്ലതും പുകച്ചു കയറ്റിയോ

രോഹിത്ത് : മിണ്ടാതിരിക്കെടാ…അഖിലെ നിനക്ക് എങ്ങനെ തോന്നുന്നോ അത് പോലെ ചെയ്യടാ.. നീ പറഞ്ഞപോലെ പ്രശ്നത്തിലൊന്നും ഇനി പോയി ചാടണ്ട…ഡിഗ്രി കംപ്ലീറ്റ് ചെയ്യാൻ നോക്ക്