💞ആയിരം കണ്ണുമായി 2 [Fang leng] 762

അജ്മൽ : അപ്പോൾ ബൈക്ക് കേടാക്കിയത് നീ വിട്ടോ അവൾക്ക്‌ നല്ലൊരു പണി കൂടി കൊടുത്തിട്ട് നന്നായാൽ പോരെ

രോഹിത്ത് : അജ്മലെ മതി.😡

കുറച്ച് സമയത്തിനുള്ളിൽ തന്നെ ഗ്രാമർ ക്ലാസ്സ് ആരംഭിച്ചു ക്ലാസ്സിനു ശേഷം സാർ

” അപ്പോൾ എല്ലാവർക്കും മനസ്സിലായല്ലോ അല്ലേ ഇന്ന് ഇത്രയും മതി… ഉം… പിന്നെ ഒരു കാര്യമുള്ളത് എന്താണെന്ന് വച്ചാൽ അസാപ്പിലെ ടീച്ചർ എന്നെ കാണാൻ വന്നിട്ടുണ്ടായിരുന്നു ക്ലാസ്സിൽ കുട്ടികൾ കുറവാണെന്ന് ഇവിടെ ആർക്കെങ്കിലും താല്പര്യമുണ്ടെങ്കിൽ ചേർന്നേക്കണം കേട്ടോ ആഴ്ചയിൽ രണ്ട് ദിവസമല്ലേ ഉള്ളു ആ സർട്ടിഫിക്കറ്റ്കൊണ്ട് ഒരുപാട് ഗുണങ്ങൾ ഉണ്ട്… ശ്രുതി താൻ അസാപ്പിൽ ഇല്ലേ ”

ശ്രുതി : ഉണ്ട് സാർ

“ഒക്കെ അപ്പോൾ ആർക്കെങ്കിലും താല്പര്യമുണ്ടോ ഈ ക്ലാസ്സിൽ നിന്ന് ശ്രുതി മാത്രമല്ലേ ഉള്ളു എന്റെ കയ്യിൽ ഫോം ഉണ്ട് ആർക്കെങ്കിലും ആവശ്യമുണ്ടോ… ടോ ആ പുതിയ കുട്ടി തന്റെ പേരെന്താ”

“അഖിൽ ”

“താൻ ഇതുവരെ ക്ലബ്ബിൽ ഒന്നും ചേർന്നിട്ടില്ലല്ലോ അല്ലേ ”

“ഇല്ല സാർ ”

“എന്നാൽ ഇതാ ഫോം വച്ചോ നല്ല ഉപകാര പ്രധമായ കോഴ്സാ ”

അഖിൽ : അല്ല സാർ ഞാൻ

“പിടിക്കടോ… കോളേജിൽ നടക്കുന്ന പ്രോഗ്രാംസ് ഒക്കെ നമ്മളല്ലേ വിജയിപ്പിക്കാൻ ”

ഇത്രയും പറഞ്ഞു സാർ ഫോം അഖിലിനു നൽകി

“അടുത്ത ക്ലാസ്സിൽ അഖിലിനെ കൂടെ കൂട്ടിക്കോ കേട്ടോ ശ്രുതി”

ഇത്രയും പറഞ്ഞു സാർ പുറത്തേക്ക് പോയി

അഖിൽ : അസാപ്പോ എന്താടാ അത്

രോഹിത്ത് : ഐ ടി യുമായി ബന്ധപ്പെട്ട് നടക്കുന്ന ഒരു കോഴ്സാടാ ആഴ്ചയിൽ രണ്ട് ദിവസം ഉണ്ട് മിനിമം ഒരു വർഷം കംപ്ലീറ്റ് ആക്കിയാൽ സർട്ടിഫിക്കാറ്റ് കിട്ടും