💞ആയിരം കണ്ണുമായി 3 [Fang leng] 420

ശ്രുതി : എന്നിട്ടവർ എന്ത് പറഞ്ഞു

 

അച്ഛൻ : രണ്ടാഴ്ചക്കുള്ളിൽ മുഴുവൻ തിരിച്ചടയ്ക്കണമെന്ന് ഇല്ലെങ്കിൽ വീട് ജപ്തി ചെയ്യുമെന്ന്…പ്രൈവറ്റ് ബാങ്ക് അല്ലേ അവർക്ക് ഇതാ ലാഭം ലോണു പോയിട്ട് എന്തെങ്കിലും നക്കാപിച്ച നമുക്ക് തന്നാൽ മതിയാകുമല്ലോ

 

ശ്രുതി :ജപ്തിയോ…മൊത്തം എത്ര രൂപ നമ്മൾ കൊടുക്കേണ്ടി വരും അച്ചാ

 

അച്ഛൻ : 3 ലക്ഷം അടുപ്പിച്ച് ഉണ്ട്

 

ശ്രുതി : മൂന്നോ… 1 അര ലക്ഷം മല്ലേ നമ്മൾ ലോൺ എടുത്തെ

 

അച്ഛൻ : 6 മാസം മുടങ്ങിയില്ലേ മോളെ… കൊള്ള പലിശയാ… കടല് കയറി ബീച്ച് അടച്ചിട്ടതാ പ്രശ്നമായെ അതിനിടയിൽ ഈ അസുഖവും…. മോള് വിഷമിക്കണ്ട ഞാൻ ഒരാളോട് പൈസ ചോദിച്ചിട്ടുണ്ട് മിക്കവാറും കിട്ടും…എന്തെയാലും ഞാൻ ഇന്ന് കച്ചവടത്തിനു ഇറങ്ങുവാ

 

ശ്രുതി : വേണ്ട രണ്ട് ദിവസം കൂടി റസ്റ്റ്‌ എടുക്ക് ഞാൻ പൊക്കോളാം

 

അച്ഛൻ : ഇങ്ങനെ കിടന്നാൽ അസുഖം കൂടത്തെ ഉള്ളു… കുറച്ച് കഴിഞ്ഞു നീ അങ്ങോട്ട് വന്നാൽ മതി…

 

ഇത്രയും പറഞ്ഞു അയാൾ പുറത്തേക്ക് പോയി

 

………….

 

പിറ്റേന്ന് രാവിലെ ശ്രുതി കോളേജിൽ

 

ലക്ഷ്മി : എന്താ ശ്രുതി വല്ലാതിരിക്കുന്നെ

 

ശ്രുതി : ഹേയ് ഒന്നുമില്ല…

 

ലക്ഷ്മി : അതല്ലല്ലോ…

 

ശ്രുതി : ഓരോ പ്രശ്നങ്ങൾ അല്ലാതെന്ത്‌… അച്ഛന് വയ്യാതായപ്പോൾ ബാങ്കിൽ നിന്ന് ഒരു ലോൺ എടുത്തിരുന്നു… കച്ചവടം ഇല്ലാതിരുന്നപ്പോൾ അത് മുടങ്ങി…ഇനിയിപ്പോൾ അത് തിരിച്ചടച്ചില്ലെങ്കിൽ പ്രശ്നമാ