💞ആയിരം കണ്ണുമായി 3 [Fang leng] 420

 

പെൺകുട്ടി : ഇതാണ് ലാബ്

 

ഇത്രയും പറഞ്ഞു പെൺകുട്ടി ക്ലാസ്സ്‌ തുറന്ന് ഉള്ളിലേക്ക് കയറി പിന്നാലെ അഖിലും അവർ ക്ലാസ്സിനുലേക്ക് കയറിയപ്പോൾ തന്നെ സിസ്റ്റത്തിനു മുന്നിലിരിക്കുന്ന കുട്ടികൾ എല്ലാം എഴുനേറ്റ് നിന്നു

 

“ഗുഡ് ആഫ്റ്റർ നൂൺ മിസ്സ്‌”

 

കുട്ടികൾ എല്ലാം ഒരേ സ്വരത്തിൽ പറഞ്ഞു അഖിൽ പതിയെ കൂടെ വന്ന പെൺകുട്ടിയുടെ മുഖത്തേക്ക് നോക്കി

 

“എനിക്ക് അങ്ങനെ പ്രേത്തേകിച്ച് ഡിപ്പാർട്മെന്റ് ഒന്നും ഇല്ല എല്ലാവരെയും പഠിപ്പിക്കും… ഞാൻ അഞ്ചു അസാപ്പ് ട്യൂട്ടറാ ”

 

അഖിൽ : ട്യൂട്ടറോ…

 

അഞ്ചു : തന്റെ പേരെന്താ

 

അഖിൽ : അഖിൽ

 

അവൻ ചമ്മൽ മറച്ചു വച്ച് പറഞ്ഞു

 

അഞ്ചു : ആ ഫോം ഇങ്ങ് എടുത്തെ

 

അഖിൽ വേഗം തന്നെ ഫോം കയ്യിലേക്ക് എടുത്തു

 

അഖിൽ : ഇതാ ചേ… ഓഹ്… മിസ്സ്‌

 

അഞ്ചു ഫോം കയ്യിലേക്ക് വാങ്ങി

 

അഞ്ചു : ശ്രുതി അവിടെ തന്റെ അടുത്തുള്ള സിസ്റ്റം ഒഴിവല്ലേ

 

അഞ്ചു മിസ്സ്‌ പുറകിലിരിക്കുന്ന ശ്രുതിയോടാ യി വിളിച്ചു ചോദിച്ചു അപ്പോഴാണ് അഖിൽ പിന്നിലിരിക്കുന്ന ശ്രുതിയെ ശ്രദ്ധിച്ചത്

 

ശ്രുതി : അതെ മിസ്സ്‌ പക്ഷെ ഇത് സിനിയുടെയാ

 

അഞ്ചു : സിമി ഇനി വരുമെന്ന് തോന്നുന്നില്ല അഖിൽ അവിടെ ചെന്നിരുന്നോ

 

ഇത് കേട്ട ശ്രുതി തലയിൽ കൈ വച്ചു

 

ശ്രുതി : ( ഈ നാശം എപ്പോഴും കറങ്ങി തിരിഞ്ഞു എന്റെ അടുത്തേക്ക് തന്നെയാണല്ലോ വരുന്നെ )

 

അഖിൽ പതിയെ പിന്നിലെ സിസ്റ്റം ടേബിളിന് മുന്നിൽ ചെന്നിരുന്നു ശേഷം തൊട്ടപ്പുറത്തായി ഇരിക്കുന്ന ശ്രുതിയെ ഒന്ന് നോക്കി