💞ആയിരം കണ്ണുമായി 4 [Fang leng] 541

 

അഖിൽ : നിർത്തെടി എനിക്ക് പ്രാന്താണെന്നാണോ നീ പറഞ്ഞു വരുന്നെ കൗൺസിലിംഗ് എനിക്കല്ല വേണ്ടേ നിനക്കാ പിന്നാലെ കൂടിയേക്കുവാ അവള്… ഇനി എങ്ങാൻ വാ തുറന്നാൽ…നിന്റെ വീട്ടിൽ ആരെങ്കിലും കാണുമല്ലോ അവരെ കൊണ്ട് പോ കൗൺസിലിംങ്ങിന്….ഇനിയേ.. നീ ഒറ്റക്ക് വന്നാൽ മതി

 

ഇത്രയും പറഞ്ഞു ശ്രുതിയെ അവിടെ വിട്ട ശേഷം അഖിൽ മുന്നോട്ടേക്ക് നടന്നു അല്പനേരത്തിന് ശേഷം അവൻ ക്ലാസ്സിൽ

 

റോണി : എവിടെടാ കോപ്പേ അവള് അവൻ ഒറ്റക്കല്ലേ വരുന്നെ

 

അജ്മൽ : ഞാൻ കണ്ടതാടാ

 

അഖിൽ പതിയെ സീറ്റിൽ വന്നിരുന്നു

 

അജ്മൽ : ചിലരിവിടെ പുതിയ കൂട്ടൊക്കെ തുടങ്ങി….

 

അരുൺ : പണികിട്ടാതെ നോക്കിയാൽ കൊള്ളാം…

 

അഖിൽ : നീയൊക്കെ ആരോടാടാ ഈ സംസാരിക്കുന്നെ… എന്തെങ്കിലും ഉണ്ടെങ്കിൽ നേരെ പറയ്

 

രോഹിത്ത് : അത് പിന്നെ അളിയാ നീയാ ശ്രുതിയുമായി നടക്കുന്നത്….

 

അഖിൽ : മൈര് അപ്പോൾ അതാണോ കാര്യം..ആ നട്ട് പോയവളെ കൊണ്ട് ഞാൻ ഇവിടെ പൊറുതിമുട്ടി ഇരിക്കുവാ വേതാളം പോലെ കൂടെ കൂടിയേക്കുവാ ഓരോന്ന് പറഞ്ഞുകൊണ്ട്

 

റോണി : അതാ ഞങ്ങളും പറഞ്ഞുവരുന്നെ അവളുമായി അധികം കൂട്ടുവേണ്ടേ തരം കിട്ടിയാൽ അവൾ നമ്മളെ തമ്മിൽ തല്ലിക്കും അതാ അവളുടെ ഒരു സ്വഭാവം

 

അരുൺ : അതെ നമ്മൾ ഒന്നിച്ചു നിൽക്കുന്നത് അവൾക്ക് അത്ര പിടിക്കുന്നില്ല

 

അജ്മൽ : അളിയൻ വന്ന ശേഷം അവളുടെ ക്ലാസ്സിലെ കളികളൊന്നും പഴയത് പോലെ നടക്കുന്നില്ല അതുകൊണ്ട് പല നമ്പറുകളുമായി അവള് വരും