💞ആയിരം കണ്ണുമായി 5 [Fang leng] 455

ശ്രുതി : എപ്പോ… ഞാൻ ഒന്നും ചിരിച്ചില്ല 🙄

 

അഖിൽ : നീ ചിരിക്കില്ല… അതിന് ശേഷം അവളുടെ ഒരു മോട്ടിവേഷൻ ഇവിടെ ജീവിക്കാൻ എന്തിനാടി ഇംഗ്ലീഷ്… എനിക്ക് വായിക്കാനും മനസ്സിലാക്കാനും പറ്റും അത് തന്നെ ധാരാളം…

 

ശ്രുതി : അവമ്മാർക്ക് പറയുന്നതൊക്കെ വാങ്ങി കൊടുക്കമായിരുന്നല്ലോ… ഞാൻ ഓസിന് ഒന്നുമല്ലല്ലോ ചോദിച്ചേ… 10 രൂപ കേസല്ലേ

 

അഖിൽ : നിനക്ക്‌ വേണ്ടി എന്നല്ല ഇനി ഒറ്റ ഒരാൾക്ക് വേണ്ടി അഞ്ചിന്റെ പൈസ ഞാൻ ചിലവാക്കില്ല

 

ശ്രുതി : തല പൊട്ടുവാ… പ്ലീസ്… പൈസ ഞാൻ തിരിച്ചു തരാം

 

അഖിൽ : ഇത് വലിയ… വാ വന്നു തുലക്ക്…

 

ഇത്രയും പറഞ്ഞു അഖിൽ മുന്നോട്ട് നടന്നു ശേഷം തിരിഞ്ഞോന്ന് നോക്കിയ അവൻ വീണ്ടും അവളുടെ അടുത്തേക്ക് എത്തി

 

അഖിൽ : നീ എന്താടി ആമയാണോ… കൈ കാണിക്ക്

 

ഇത്രയും പറഞ്ഞു ശ്രുതിയുടെ കയ്യിൽ പിടുത്തമിട്ട അഖിൽ അവളുമായി മുന്നോട്ട് നടന്നു

 

അല്പസമയത്തിനു ശേഷം ഇരുവരും ക്യാമ്പസിന് പുറത്ത്

അഖിൽ : ഇവിടെ എവിടെയാ ചായ കട

 

ശ്രുതി : ദോ അവിടെ

 

ശ്രുതി ബസ്സ്റ്റാണ്ടിന് അടുത്തുള്ള ചായ കട ചൂണ്ടികൊണ്ട് പറഞ്ഞു

 

അഖിൽ പതിയെ അവളുമായി ചായ കടയ്ക്ക് മുന്നിൽ എത്തി

 

അഖിൽ : ചായ എങ്ങനെ വേണം

 

ശ്രുതി : എനിക്ക് സാധാ മതി

 

അഖിൽ : എടോ ഒരു സാധാചായയും കടുപ്പം കൂട്ടിയ ഒന്നും… നിനക്ക് കടി എന്താ വേണ്ടേ

 

ശ്രുതി : അതൊന്നും വേണ്ട…ചായ മാത്രം മതി

 

അഖിൽ : രണ്ട് മുളക് ബജി കൂടി എടുക്ക്