💞ആയിരം കണ്ണുമായി 5 [Fang leng] 455

 

ശ്രുതി : അതെന്തിനാ രണ്ട് ബജി പറഞ്ഞെ

 

അഖിൽ : നീ ചായയുടെ കാശ് മാത്രം തന്നാൽ മതി നീ നിൽക്കുമ്പോൾ ഞാൻ മാത്രം എങ്ങനെയാ കഴിക്കുന്നെ

 

ശ്രുതി : എന്നാൽ പിന്നെ ബജി വേണ്ട… പരിപ്പ് വട മതി ഞാൻ സഖാവാ

 

അഖിൽ : അതുകൊണ്ടയായിരിക്കും അന്ന് സമരത്തിനു മുന്നിൽ ചെന്ന് നിന്നത്… ഒരു ചകാവ്…. ടോ ഒരു ബജി മാറ്റി പരിപ്പ് വട എടുക്ക്

 

ശ്രുതി : എന്തിനാ ഇങ്ങനെ എടോ… എന്നൊക്കെ വിളിക്കുന്നെ പ്രയമുള്ള ആളല്ലേ… ചേട്ടാന്നോ മറ്റോ വിളിച്ചാൽ പോരെ…

 

ഇത് കേട്ട അഖിൽ ശ്രുതിയെ ഒന്ന് തറപ്പിച്ചു നോക്കി

 

ശ്രുതി : ഞാൻ പറഞ്ഞെന്നെ ഉള്ളു

 

അഖിൽ : നീ പറയണ്ട

 

ഇത്രയും പറഞ്ഞു അഖിൽ ചായയും വടയും അവൾക്ക് നൽകി

 

ശ്രുതി : നീ എങ്ങനെയാ ഈ മുളക് ബജി കഴിക്കുന്നേ

 

അഖിൽ : വാ കൊണ്ട്…

 

ശ്രുതി 🙁 ഇതെന്തൊരു സാധനമാ )

 

കുറച്ച് സമയത്തിനു ശേഷം

 

അഖിൽ : നിന്റെ കപ്പലണ്ടി ബിസ്സിനെസ്സ് ഒക്കെ എങ്ങനെ പോകുന്നു

 

 

ശ്രുതി : കളിയാക്കണ്ട

 

അഖിൽ : ഞാൻ കാര്യമായി ചോദിച്ചതാ അതുകൊണ്ട് എങ്ങനെയാ ജീവിക്കുന്നെ

 

ശ്രുതി : അതൊക്കെ ജീവിക്കും പിന്നെ അത് എന്റെ ബിസ്സിനെസ്സ് അല്ല അച്ഛന്റെയാ… ഞാൻ സഹായിക്കും അത്രേ ഉള്ളു…

 

അഖിൽ : എന്നാലും എത്ര രൂപയ്ക്ക് ദിവസം കച്ചവടം നടക്കും

 

ശ്രുതി : എന്താ കച്ചവടം തുടങ്ങാൻ വല്ല പ്ലാനും ഉണ്ടോ…

 

ഇത് കേട്ട അഖിൽ അവളെ ഒന്ന് നോക്കി

 

ശ്രുതി : ഉണ്ടെങ്കിൽ വേണ്ട കേട്ടോ… കച്ചവടമൊക്കെ ഇപ്പോൾ നല്ല മോശമാ പണ്ടൊക്കെ ആവശ്യത്തിന് ഉണ്ടായിരുന്നു ഇപ്പോൾ ബീച്ചിൽ ഒക്കെ ആള് കുറഞ്ഞില്ലേ.. 500 കിട്ടിയാൽ ഭാഗ്യം