💞ആയിരം കണ്ണുമായി 5 [Fang leng] 455

 

ഇത്രയും പറഞ്ഞു അഖിൽ തന്റെ ഫോൺ കയ്യിലെടുത്തു

 

“സ്വന്തം തന്തക്കും തള്ളക്കും വേണ്ട പിന്നെയാ… എത്ര ദിവസമായി അയാള് ഒന്ന് വിളിച്ചത് പോലുമില്ല എന്റെ നമ്പർ കയ്യിൽ കാണുമല്ലോ.. ഞാൻ ചത്താൽ ചിലപ്പോൾ വരുമായിരിക്കും”

 

അഖിൽ പതിയെ ബെഡിൽ നിന്നും എഴുനേറ്റ് തന്റെ മേശ തുറന്ന് ഒരു കുപ്പി കയ്യിലേക്ക് എടുത്തു

 

“Hit ”

 

” ഇത് വായിലേക്ക് അടിച്ചാൽ ചാകുമായിരിക്കും ഇങ്ങനെ ജീവിച്ചിട്ട് എന്തിനാ ”

 

അഖിൽ പതിയെ കുപ്പി വായോട് അടുപ്പിച്ചു ശേഷം പെട്ടെന്ന് തന്നെ അത് മാറ്റി

 

“വേണ്ട… ചത്താൽ പുഴുത്ത് നാറുന്നവരെ ഒരു പട്ടിയും തിരിഞ്ഞു നോക്കില്ല…അയാളെ അറിയിച്ചാലും അയാള് വരില്ല.. അവസാനം അറപ്പോടെ ആരെങ്കിലും വന്നു വാരി എടുക്കും…”

 

അഖിലിന്റെ കണ്ണുകൾ നിറഞ്ഞു അവൻ പതിയെ ആ കുപ്പി മേശക്കുള്ളിലേക്ക് തന്നെ വച്ചു ശേഷം മേശപ്പുറത്തിരുന്ന ഒരു ബുക്ക്‌ കയ്യിലേക്ക് എടുത്തു അത് തുറന്നു അതിനുഉള്ളിൽ ഒരു സ്ത്രീയുടെ ഫോട്ടോ ഉണ്ടായിരുന്നു അവൻ അത് കയ്യിലേക്ക് എടുത്തു

 

“അമ്മേ… നിങ്ങള് എവിടെയാ….ഇപ്പോൾ ജീവനോടെ ഉണ്ടോ…. എന്നെങ്കിലും തിരിച്ചു വരുവോ”

 

***************************

 

പിറ്റേന്ന് വൈകുന്നേരം ബീച്ചിൽ ശ്രുതിയുടെ കട

 

ശ്രുതി : എത്ര പൊതിയാ മോനെ

 

“മൂന്നെണ്ണം”

 

ശ്രുതി : ഇതാ 30 രൂപ

 

ശ്രുതി കാശ് വാങ്ങിയ ശേഷം കപ്പലണ്ടി പൊതികൾ നൽകി

 

ശ്രുതി : ദൈവമേ… ഇന്നല്പം കൂടുതൽ കച്ചവടം നടക്കണേ കറന്റ് ബില്ലൊക്കെ അടക്കേണ്ടതാ…