💞ആയിരം കണ്ണുമായി 5 [Fang leng] 455

 

“എന്താടി ഒറ്റക്ക് സംസാരിക്കുന്നെ ”

 

പെട്ടെന്നാണ് ശ്രുതി ആ ശബ്ദം കേട്ടത് അവൾ പതിയെ തിരിഞ്ഞു നോക്കി അത് അഖിൽ ആയിരുന്നു

 

ശ്രുതി : നീയോ… നീ എന്താ ഇവിടെ

 

അഖിൽ : എനിക്ക് എന്താ ബീച്ചിൽ വന്നൂടെ

 

ശ്രുതി : അതല്ല..

 

അഖിൽ : എന്തല്ല… ഞാൻ ഒന്ന് കാറ്റുകൊള്ളാൻ വന്നതാ…

 

ശ്രുതി : ( കാറ്റ് കൊള്ളാനോ വായിനോക്കാനോ)

 

അഖിൽ : എന്താ

 

ശ്രുതി : ഇവിടെ നല്ല കാറ്റാണെന്ന് പറയുവായിരുന്നു

 

അഖിൽ : എന്നാൽ എന്റെ പൈസ ഇങ്ങ് എടുക്ക് ഞാൻ പോയേക്കാം

 

ശ്രുതി : ആ പത്ത് രൂപക്ക് വേണ്ടിയാണോ നീ എന്റെ അടുത്തേക്ക് വന്നത്

 

അഖിൽ : അതെ അതിനിപ്പോൾ എന്താ കാശെടുക്ക് പെട്ടിയിൽ കിടപ്പുണ്ടല്ലോ

 

ശ്രുതി : ഈ കാശ് തരാൻ പറ്റില്ല തിങ്കളാഴ്ച കോളേജിലേക്ക് വാ തരാം

 

അഖിൽ : ഞാൻ ഇനി അങ്ങോട്ടേക്ക് ഇല്ല… പൈസ ഇല്ലെങ്കിൽ വേണ്ട… ഞാൻ വേണ്ടെന്ന് വച്ചു.. നിനക്ക് കടക്കാരി ആകാൻ ഇഷ്ടമില്ല എന്ന് പറഞ്ഞത് കൊണ്ട് ചോദിച്ചന്നേ ഉള്ളു

 

ശ്രുതി : അതെ ഇഷ്ടമില്ല… പക്ഷെ ഇതിൽ നിന്നും എടുക്കാനും പറ്റില്ല

 

അഖിൽ : അതെന്താ പറ്റാത്തെ

 

ശ്രുതി : കച്ചവടം കഴിയാതെ വേറെ ആവശ്യത്തിനൊന്നും കാശ് എടുക്കാൻ പാടില്ല അത് അങ്ങനെയാ…

 

അഖിൽ : നിനക്ക് എന്താടി…

 

ശ്രുതി : അത് അങ്ങനെയാ… ബാക്കി കൊടുക്കാൻ മാത്രമേ അതിന് മുൻപ് ഞാൻ കാശ് തൊടു… ഇല്ലെങ്കിൽ കച്ചവടം കുറയും

 

അഖിൽ : കോപ്പ്…നീ എന്താടി അന്തവിശ്വാസിയാണോ