💞ആയിരം കണ്ണുമായി 6 [Fang leng] 819

 

അഖിൽ : അല്പം കൂടി ചോറ് തരുവോ

 

ശ്രുതി 🙁 ഇവന് എന്താ പറ്റിയെ ) നിക്ക് ദാ ഈ അടപ്പ് പിടിക്ക്

 

ഇത്രയും പറഞ്ഞു പാത്രത്തിന്റെ അടപ്പിൽ പാതി ചോറും കറിയും എടുത്ത ശേഷം ശ്രുതി അത് അഖിലിന്റെ കയ്യിൽ കൊടുത്തു അഖിൽ പതിയെ അത് കഴിക്കാൻ തുടങ്ങി

 

അല്പനേരത്തിനുള്ളിൽ അവർ ഇരുവരും കഴിച്ചു കഴിഞ്ഞു

 

ശ്രുതി : മതിയായോ

 

അഖിൽ : ഉം…

 

ഞാൻ പോയി പാത്രം കഴുകിയിട്ടു വരാം

 

ഇത്രയും പറഞ്ഞു ശ്രുതി പതിയെ അവിടെ നിന്നും എഴുനേറ്റു

 

അഖിൽ : ഞാനും വരാം

 

അഖിൽ പതിയെ ശ്രുതിയുടെ കയ്യിൽ പിടിച്ചു കൊണ്ട് മുന്നോട്ട് നടന്നു അല്പനേരത്തിനു ശേഷം ഇരുവരും പൈപ്പിന്റെ ചുവട്ടിൽ

 

അഖിൽ : പാത്രം എടുക്ക് ഞാൻ കഴുകി തരാം

 

ശ്രുതി : ഞാൻ…

 

എന്നാൽ ശ്രുതി പറഞ്ഞു തീരും മുൻപ് അഖിൽ അവളുടെ കയ്യിൽ നിന്നും പാത്രം വാങ്ങിയ ശേഷം കഴുകാൻ തുടങ്ങി

 

ശ്രുതി : കുറച്ച് മുൻപ് എന്തിനാ കരഞ്ഞെ

 

എന്നാൽ അഖിൽ ഒന്നും മിണ്ടിയില്ല പാത്രം ശ്രുതിയുടെ കയ്യിൽ കൊടുത്ത ശേഷം അവളെയും പിടിച്ചുകൊണ്ട് അവൻ മുന്നോട്ട് നടന്നു

 

അഖിൽ : ചോറ് നീയാണോ ഉണ്ടാക്കിയെ

 

ശ്രുതി : അതെ എന്താ…

 

അഖിൽ : കൊള്ളാമായിരുന്നു…

 

ശ്രുതി : ഹേയ് അത്രക്ക് ഒന്നുമില്ല… മോശമല്ല അത്രേ ഉള്ളു

 

അഖിൽ : നിനക്ക് അത് ആരാ പറഞ്ഞു തന്നെ

 

ശ്രുതി : ഏത്

 

അഖിൽ : നേരത്തെ പറഞ്ഞില്ലേ… വിശക്കുന്നവരുടെ മുന്നിൽ

 

ശ്രുതി : ഓഹ്.. അത്… അതല്പം സ്പെഷ്യൽ ആയിട്ടുള്ള ഒരാൾ പറഞ്ഞുതന്നതാ ഞാൻ 7 വരെ സ്പെഷ്യൽ സ്കൂളിലാ പഠിച്ചിരുന്നെ സ്പെഷ്യൽ എന്നുവച്ചാൽ ബുദ്ധിമുട്ടുകൾ ഉള്ള കുട്ടികൾക്ക് വേണ്ടിയുള്ള സ്കൂളിൽ 6 ആം ക്ലാസ്സിൽ ഒരു ടീച്ചർ അവിടെ വന്നിരുന്നു ആ ടീച്ചർ പറഞ്ഞുതന്നതാ രണ്ട് വർഷം എന്നെ പഠിപ്പിച്ചിട്ടുണ്ട് പാവമായിരുന്നു